କଟକ/କେନ୍ଦୁଝର : ୨ ଟି ସ୍ଥାନରେ ନଦୀକୁ ଡେଇଁ ଆତ୍ମହତ୍ୟା କରିଛନ୍ତି ୨ ଜଣ । କଟକ ସ୍ଥିତ ମୁଣ୍ଡଳୀ ପୋଲ ଉପରୁ ନଦୀକୁ ଡେଇଁ ଜଣେ ବ୍ୟବସାୟୀ ଆତ୍ମହତ୍ୟା କରିଥିବାବେଳେ ଅନ୍ୟଜଣେ ସ୍କୁଲ ପିଲା ବୋଲି ସୂଚନା ମିଳିଛି । ଗତକାଲି ମୁଣ୍ଡଳୀ ପୋଲ ଉପରେ ଗାଡ଼ି ରଖି ମହାନଦୀକୁ ଡେଇଁ ଜଣେ ଧୂପକାଠି ବ୍ୟବସାୟୀ ଆତ୍ମହତ୍ୟା କରିଥିବା ଜଣାପଡିଛି । ମୃତକ ହେଉଛନ୍ତି ଖୋର୍ଦ୍ଧା ଜିଲ୍ଲା ବୋଲୋଗଡ ଗବଡି ଗ୍ରାମର ହେମନ୍ତ କୁମାର ସାହୁ (୩୫ବର୍ଷ) । ସେ ଧୂପକାଠି ବ୍ୟବସାୟ କରୁଥଲେ । ଧାର କରଜ ଏବଂ ପାରିବାରିକ ଅଶାନ୍ତି ପାଇଁ ସେ ଏହିଭଳି କରିଥାଇ ପାରନ୍ତି ବୋଲି ପ୍ରାଥମିକ ସୂଚନା ମିଳିଛି ।
ଶୁକ୍ରବାର ବିଳମ୍ୱିତ ରାତିରେ ବାରଙ୍ଗ ପୁଲିସ ପାଟ୍ରୋଲିଂ କରୁଥିବା ବେଳେ ବ୍ରିଜ ଉପରେ ଗାଡି ଥୁଆ ହୋଇଥିବା ଦେଖିଥିଲେ। ଗାଡ଼ି ପାଖରେ କାହାକୁ ନପାଇବାରୁ ଗାଡିଟିକୁ ଗୋଡିସାହି ଫାଣ୍ଡିକୁ ନେଇଥିଲେ । ଘଟଣା ସ୍ଥଳରେ ପହଞ୍ଚି ଗୋଡିସାହି ଫାଣ୍ଡି ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି । ତେବେ ସେ ପ୍ରକୃତରେ ଆତ୍ମହତ୍ୟା କରିଛନ୍ତି ନ। ପୋଲ ଉପରେ ଗାଡି ଥୋଇ ଅନ୍ୟ କେଉଁ ଆଡେ ଚାଲିଯାଇଛନ୍ତି ବର୍ତ୍ତମାନ ସୁଦ୍ଧା ଏହା ସ୍ପଷ୍ଟ ହୋଇନାହିଁ ।
ସେହିପରି ଅନ୍ୟ ଘଟଣାଟି ଘଟିଛି କେନ୍ଦୁଝର ଜିଲ୍ଲାରେ । କେନ୍ଦୁଝର ଚମ୍ପୁଆ ସ୍ଥିତ ଏକ ଘରୋଇ ଇଂଲିଶ ମିଡିୟମ ସ୍କୁଲରେ ଘଟିଛି ଏହି ଘଟଣା । ସ୍କୁଲ ହଷ୍ଟେଲ ଛାତରୁ ଡେଇଁ ଦଶମ ଶ୍ରେଣୀ ଛାତ୍ର ଜଣଙ୍କ ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ମୃତକ ହେଲେ ଝାଡ଼ଖଣ୍ଡ ଖରସୁଆଁ ଅଞ୍ଚଳର ଦଶମ ଶ୍ରେଣୀ ଛାତ୍ର କ୍ରୀଷ୍ଣା ପ୍ରଧାନ । ଶନିବାର ଭୋର ପ୍ରାୟ ୫ଟା ବେଳେ ଏହି ଅଘଟଣ ଘଟିଛି । ଝରକା ଦେଇ ଡେଇଁବା ସମୟର ଦୃଶ୍ୟ ସିସିଟିଭିରେ କଏଦ ହୋଇଛି । ସୂଚନା ପାଇ ଚମ୍ପୁଆ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ତେବେ କାହିଁକି ଓ କେଉଁ ପରିସ୍ଥିତିରେ ଛାତ୍ର ଜଣଙ୍କ ଏଭଳି ନିଷ୍ପତ୍ତି ନେଲେ ତାହାର କାରଣ ଅସ୍ପଷ୍ଟ ରହିଛି । ଘଟଣା ସ୍ଥଳରେ ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି । ଖବର ପାଇ ମୃତ ଛାତ୍ରଙ୍କ ପରିବାର ଲୋକ ଚମ୍ପୁଆରେ ପହଞ୍ଚିଛନ୍ତି ।
Comments are closed.