ପ୍ରତିଦିନ ବ୍ୟାୟାମ କରିବା ଏକ ଭଲ ଅଭ୍ୟାସ,ଏହା ଶରୀରକୁ ସୁସ୍ଥ ରଖିବାରେ ସହାୟତା କରିଥାଏ । ନିକଟରେ ହୋଇଥିବା ଏକ ଗବେଷଣା ଅନୁସାରେ ପ୍ରତିଦିନର ୧୦ ମିନିଟ୍ର ବ୍ୟାୟାମ ଦୀର୍ଘାୟୁ କରିଥାଏ । ଯେଉଁମାନଙ୍କର ବୟସ ୪୦ ବର୍ଷରୁ ଅଧିକ ସେମାନେ ପ୍ରତିଦିନ କିଛିକିଛି ବ୍ୟାୟାମ କରିବାର ଆବଶ୍ୟକତା ରହିଛି ।
ପ୍ରତିଦିନ ୧୦ ମିନିଟ୍ର ବ୍ୟାୟାମ ସେମାନଙ୍କୁ ଅଧିକ ଦିନ ଯାଏଁ ସୁସ୍ଥ ରହିବାରେ ସହାୟକ ହୋଇଥାଏ । ଏକ ରିପୋର୍ଟ ଅନୁସାରେ ପ୍ରତିଦିନ ୨୦ରୁ ୩୦ ମିନିଟ୍ର ଶାରିରୀକ ପରିଶ୍ରମ ଶରୀରକୁ ସୁସ୍ଥ ରଖିବାରେ ବେଶି ସହାୟକ ହୋଇଥାଏ । ଏହି ଗବେଷଣାରେ ବିଭିନ୍ନ ବୟସର ଲୋକଙ୍କୁ ସାମିଲ କରାଯାଇଥିଲା । ଦୀର୍ଘ କିଛି ଦିନର ବିଶ୍ଲେଷଣ ପରେ ବୈଜ୍ଞାନିକ ମାନେ ଏହି ଫଳାଫଳରେ ଉପନୀତ ହୋଇଥିଲେ ।
ସେହିଭଳି ବିଭିନ୍ନ ଅଫିସ୍ରେ କାର୍ଯ୍ୟ କରୁଥିବା ଲୋକଙ୍କୁ କିଛି ସମୟ କାର୍ଯ୍ୟାଳୟରେ ଠିଆ ହୋଇ କାର୍ଯ୍ୟ କରିବାକୁ ଏଥିରେ ପରାମର୍ଶ ଦିଆଯାଇଛି । ୪୦ ବର୍ଷ ପରେ ୮ଘଣ୍ଟା ବସି ରହି କାର୍ଯ୍ୟ କରିବା ଶରୀର ପାଇଁ ଉଚିତ୍ ନୁହେଁ । ସେହିଭଳି ବୟସ ହେବା ପରେ ନିଜ ଜୀବନଶୈଳୀକୁ ପରିବର୍ତ୍ତନ କରିବାର ଆବଶ୍ୟକତା ଢେର ଅଧିକ ରହିଛି ।
Comments are closed.