ତେଲେଙ୍ଗାନା : ହାଇଦ୍ରାବାଦ ସାଙ୍ଗରେଡ୍ଡି ଜିଲ୍ଲାରେ ପଣ୍ଟଞ୍ଚେରୁବୁ ଅଞ୍ଚଳରେ ଥିବା ସିଗାଚି ରାସାୟନିକ କାରଖାନାରେ ଭୟଙ୍କର ବିସ୍ଫୋରଣ । ବିସ୍ଫୋରଣରେ ୧୦ ଜଣଙ୍କର ମୃତ୍ୟୁ ଘଟିଥିବାବେଳେ ୨୦ ରୁ ଉର୍ଦ୍ଧ୍ବ ଆହତ ହୋଇଥିବା ସୂଚନା ମିଳିଛି । ଆଜି ସକାଳ ୯ଟା ବେଳେ ଏହି ବିସ୍ଫୋରଣ ଘଟିଥିଲା । ବିସ୍ଫୋରଣ ଏତେ ଶକ୍ତିଶାଳୀ ଯେ ଆଖପାଖରେ ଥିବା କୋଠାବାଡି ସବୁ ଥରି ଉଠିଥିଲା । ଏଥିରେ କାରଖାନାର କିଛି ଅଂଶ ସମ୍ପୂର୍ଣ୍ଣ କ୍ଷତିଗ୍ରସ୍ତ ହୋଇଛି । ଘଟଣାସ୍ଥଳରେ ୧୧ ଟି ଅଗ୍ନିଶମ ଗାଡି ସହ ଆମ୍ବୁଲାନ୍ସ ତୁରନ୍ତ ସାହାଯ୍ୟ ପାଇଁ ପହଞ୍ଚିଥିଲା । କାରଖାନା ପରିସର ଅଂଚଳ ଘନ କଳା ଧୂଆଁ ରେ ଭର୍ତ୍ତି ହୋଇ ରହିଥିବା ଦେଖାଯାଇଥିଲା। ତେବେ ଏହା ମଧ୍ୟରେ ଆହୁରି ଅନେକ କର୍ମଚାରୀ ଫସି ରହିଥିବା ଆଶଙ୍କା କରାଯାଉଛି । କାରଖାନା ଆରମ୍ଭ ହେବ। ବେଳକୁ ୧୫୦ ରୁ ଉର୍ଦ୍ଧ୍ବ କର୍ମଚାରୀ ଥିବା ସୂଚନା ମିଳିଛି । ପୁଲିସ ଓ ଜରୁରୀକାଳୀନ ସେବା କର୍ମଚାରୀ ମାନେ ଘଟଣାସ୍ଥଳରେ ପହଞ୍ଚି ଭଗ୍ନାବିଶେଷ ତଳେ ଫସି ରହିଥିବା ଲୋକଙ୍କୁ ଉଦ୍ଧାର କରିବାରେ ଲାଗିଛନ୍ତି । ସମସ୍ତ ମୃତାହତଙ୍କୁ ନିକଟସ୍ତ ଡାକ୍ତରଖାନାରେ ଭର୍ତି କରାଯାଇଛି ।
Comments are closed.