୭ ମାସ ପରେ ପାଟନା ଫେରିବାପରେ ଲାଲୁଙ୍କୁ ଭେଟିଲେ ନୀତୀଶ

ନୂଆଦିଲ୍ଲୀ : ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ଶୁକ୍ରବାର ସନ୍ଧ୍ୟାରେ ଆର୍ଜେଡି ସୁପ୍ରିମୋତ ଲାଲୁ ପ୍ରସାଦ ଯାଦବଙ୍କୁ ଭେଟିଛନ୍ତି। ଦୀର୍ଘ ୭ ମାସ ପରେ ଲାଲୁ ପାଟନା ଫେରିଛନ୍ତି। ସିଙ୍ଗାପୁରରେ କିଡନି ପ୍ରତିରୋପଣ ପରେ ଲାଲୁ ବଡ଼ ଝିଅ ମିସା ଭାରତୀଙ୍କ ପାଖରେ ଦିଲ୍ଲୀରେ ରହୁଥିଲେ। ତେବେ ଗତକାଲି ସେ ପାଟନା ଫେରିଛନ୍ତି। ଲାଲୁ ପାଟନା ଫେରିବାର ମାତ୍ର କିଛି ଘଣ୍ଟା ପରେ ନୀତୀଶ ବିହାରର ପୂର୍ବତନ ମୁଖ୍ୟମନ୍ତ୍ରୀ ରାବଡ଼ି ଦେବୀ ତଥା ଆର୍ଜେଡି ସୁପ୍ରିମୋଙ୍କ ପତ୍ନୀଙ୍କ ଘରେ ଯାଇ ପହଞ୍ଚିଥିଲେ। ଲାଲୁ ଏବଂ ନୀତୀଶଙ୍କ ମଧ୍ୟରେ ଗତକାଲି ଅଧଘଣ୍ଟା କଥାବାର୍ତ୍ତା ହୋଇଥିଲା। ବିଜେପି ବିରୋଧୀ ମହାମେଣ୍ଟ ସଂକ୍ରାନ୍ତରେ ଉଭୟ ନେତା ଆଗକୁ ଆଲୋଚନା କରିପାରନ୍ତି ବୋଲି ଜଣାପଡ଼ିଛି।