ନୂଆଦିଲ୍ଲୀ : ରେପୋ ରେ ବଡ଼ ପରିବର୍ତ୍ତନ । ୫ ବର୍ଷ ପରେ ଖସିଲା ରେପୋ ରେଟ । ରେପୋ ରେଟ୍ ଖସିଥିବା ସୂଚନା ଦେଲେ ଆରବିଆଇ ଗଭର୍ନର ସଞ୍ଜୟ ମଲହୋତ୍ରା । ରୋପୋ ରେଟ୍ ବେସିସ ପଏଣ୍ଟ ୦.୨୫% ହ୍ରାସ ପାଇ ୬.୫%ରୁ ୬.୨୫%କୁ ଖସିଛି । ମୁଦ୍ରାନୀତି ବିବୃତ୍ତି ଉପରେ ଆରବିଆଇ ଗଭର୍ନରଙ୍କ ସୂଚନା ଦେଇଛନ୍ତି । ଏହା ଫଳରେ ଗୃହ ଋଣ ଏବଂ କାର ଋଣ ଇଏମଆଇ ସହିତ ଅନ୍ୟାନ୍ୟ ଋଣ ର ଇଏମଆଇ କମିବାର ସମ୍ଭାବନା ରହିଛି ।
ଶୁକ୍ରବାର ଆରବିଆଇର ଆରବିଆରର ନୂତନ ଗଭର୍ନର ସଞ୍ଜୟ ମଲହୋତ୍ରାଙ୍କ ନେତୃତ୍ୱରେ ୬ ଜଣିଆ ଟିମ୍ ମନିଟାରୀ ପଲିସି ମିଟିଂ ଶେଷ ହୋଇଛି । ଏହି ବୈଠକରେ ରେପୋ ରେଟକୁ ନେଇ ବଡ଼ ନିଷ୍ପତ୍ତି ନିଆଯାଇଛି । ରେପୋ ରେଟରେ ୨୫ ବେସିସ୍ ପଏଣ୍ଟ ହ୍ରାସ କରି ୬.୨୫% କରିଛନ୍ତି । ଖର୍ଚ୍ଚ ବୃଦ୍ଧି ଏବଂ ବିକାଶକୁ ପ୍ରୋତ୍ସାହିତ କରିବା ଲକ୍ଷରେ ଆରବିଆଇ ଏହି ନିଷ୍ପତ୍ତି ନେଇଛି ଯଦ୍ୱାରା ସାଧାରଣ ଜନତାଙ୍କୁ ବଡ଼ ଆଶ୍ୱସ୍ତି ମିଳିଛି । ଏହି ନିଷ୍ପତ୍ତି ପରେ ଲୋକଙ୍କୁ ଶସ୍ତାରେ ଋଣ ମିଳିବା ସହ ଇଏମଆଇ ବୋଝ ମଧ୍ୟ କମିଯିବ ।
Comments are closed.