ବେଙ୍ଗାଲୁରୁ: କର୍ଣ୍ଣାଟକ ସେକ୍ସ ସ୍କାଣ୍ଡାଲ ମାମଲାରେ ବିବାଦୀୟ ହୋଇ ପଡ଼ିଥିବା ଜେଡିଏସ୍ ସାଂସଦ ପ୍ରଜ୍ବଳ ରେବନ୍ନା ଏବେ ଜର୍ମାନୀରେ ଅଛନ୍ତି। ତାଙ୍କୁ ଫେରାଇ ଆଣିବାକୁ ଇଣ୍ଟରପୋଲ୍ର ବ୍ଲୁ କର୍ନର ନୋଟିସ୍ ଜାରି କରିଥିଲା। କେନ୍ଦ୍ର ଗୃହ ମନ୍ତ୍ରଣାଳୟ ନୋଟିସ୍ ଜାରି କରିବା ସହ ସ୍ବତନ୍ତ୍ର କୂଟନୈତିକ ପାସ୍ପୋର୍ଟ ଖାରଜ କରିବାକୁ ମଧ୍ୟ ଚେତାବନୀ ଦେଇଥିଲା। ବର୍ତ୍ତମାନ ସେ ଭାରତ ଫେରି ତଦନ୍ତରେ ସହଯୋଗ କରିବେେ ବୋଲି କହିଛନ୍ତି। ତାଙ୍କ ବିରୋଧରେ ହୋଇଥିବା ଅଭିଯୋଗ ଭିତ୍ତିହୀନ ଓ ମିଥ୍ୟା ବୋଲି ସାଂସଦ ରେବନ୍ନା ଆଜି ଜାରି କରିଥିବା ଭିଡିଓ ବାର୍ତ୍ତାରେ କହିଛନ୍ତି। ସେ ମେ ୩୧, ଶୁକ୍ରବାର ଭାରତ ଫେରିବେ ଓ ସ୍ବତନ୍ତ୍ର ତଦନ୍ତକାରୀ ଦଳ (ଏସ୍ଆଇଟି) ତଦନ୍ତରେ ସହଯୋଗ କରିବେ ବୋଲି କହିଛନ୍ତି। ନିର୍ଦ୍ଧାରିତ ଦିନ ସକାଳ ୧୦ଟାରେ ସେ ଏସ୍ଆଇଟିରେ ହାଜର ହେବେ। ବିଚାରବିଭାଗ ପ୍ରତି ତାଙ୍କର ଆସ୍ଥା ରହିଛି। ତାଙ୍କ ବିରୋଧରେ ହୋଇଥିବା ମିଥ୍ୟା ମାମଲାରୁ ସେ କୋର୍ଟଙ୍କ ଦ୍ବାରା ମୁକୁଳି ଆସିବେ ବୋଲି କହିଛନ୍ତି।
Comments are closed.