ଭୁବନେଶ୍ୱର : ଭୁବନେଶ୍ୱର : ଗାଁରେ ବଢ଼ୁଛି ଓମଫେଡ୍ ଉତ୍ପାଦର ଚାହିଦା । ପ୍ରତି ଗାଁରେ ହେବ ଓମ୍ଫେଡ ଷ୍ଟଲ । ଏନେଇ ସୂଚନା ଦେଇଛନ୍ତି ମତ୍ସ୍ୟ ଓ ପଶୁ ସମ୍ପଦ ମନ୍ତ୍ରୀ ଗୋକୁଳାନନ୍ଦ ମଲ୍ଲିକ । ମନ୍ତ୍ରୀ କହିଛନ୍ତି, ଜିଲ୍ଲାର ସମସ୍ତ ବଡ ବଡ ମନ୍ଦିରରେ ଓମ୍ଫେଡ ଘିଅର ବ୍ୟବହାର କରିବାକୁ ସମସ୍ତ ଜିଲ୍ଲାପଳମାନଙ୍କୁ କୁହାଯାଇଛି ।
ଦୁଗ୍ଧ ଉତ୍ପାଦନ ବୃଦ୍ଧି ଉପରେ ଗୁରୁତ୍ବ ଦିଆଯିବ ବୋଲି ମନ୍ତ୍ରୀ କହିଛନ୍ତି । ସେହିପରି ଓମଫେଡ ଗୁଡ଼ିକର ପୁନର୍ଗଠନ ହେବ । ୧୪୨୩ କୋଟି ଟଙ୍କା ବ୍ୟୟରେ କାମଧେନୁ ଯୋଜନା ହେବ । ଏଥିସହ ରାଜ୍ୟର ସମସ୍ତ ବଡ଼ବଡ଼ ମନ୍ଦିରରେ ଓମଫେଡ୍ ଘିଅ ବ୍ୟବହାର କରିବାକୁ ସମସ୍ତ ଜିଲ୍ଲାପାଳମାନଙ୍କୁ କୁହାଯାଇଛି ।
ସୂଚନାନୁସାରେ,ଆଜି ଗୋପାଷ୍ଟମୀ ଅବସରରେ ମତ୍ସ୍ୟ ଓ ପ୍ରାଣୀ ସମ୍ପଦ ମନ୍ତ୍ରୀ ଗୋକୁଳାନନ୍ଦ ମଲ୍ଲିକଙ୍କ ଘରକୁ ଆସିଛନ୍ତି ୨ ନୂଆ ଅତିଥି। ପୁଙ୍ଗନୂର୍ ପ୍ରଜାତିର ୨ ଟି ଦେଶୀ ଗାଈର ବାଛୁରୀଙ୍କୁ ଘରକୁ ଆଣିଛନ୍ତି ମନ୍ତ୍ରୀ । ଏହି ବିରଳ ପ୍ରଜାତିର ୨ ଟି ବାଛୁରୀଙ୍କୁ ମନ୍ତ୍ରୀ ଆନ୍ଧ୍ରପ୍ରଦେଶର ଚିତୁରରୁ ଆଣି ଗୃହ ପ୍ରବେଶ କରାଇଛନ୍ତି। ଏଥିସହ ଏହି ଗାଈର ସଂରକ୍ଷଣ ପାଇଁ ରାଜ୍ୟ ସରକାର ପ୍ରୟାସ କରୁଛନ୍ତି ବୋଲି କହିଛନ୍ତି ମନ୍ତ୍ରୀ ।
Comments are closed.