ନୂଆଦିଲ୍ଲୀ: ଦେଶରେ ୧୧ ଟି ରାଜ୍ୟରୁ ୮୫ ପ୍ରତିଶତ ପିଲା ଅଧାରୁ ପାଠପଢ଼ା ଛାଡ଼ି ଦେଉଛନ୍ତି। ବିଭିନ୍ନ ବୋର୍ଡର ଛାତ୍ରମାନଙ୍କ ପ୍ରଦର୍ଶନ ଓ ପାସ୍ ହାରରେ ବଡ଼ ପାର୍ଥକ୍ୟ ଦେଖିବାକୁ ମିଳିଛି। ନିକଟରେ ପ୍ରକାଶିତ ୧୦ମ ଓ ୧୨ଶ ଶ୍ରେଣୀ ପରୀକ୍ଷା ଫଳର ବିଶ୍ଳେଷଣ କରି ଶିକ୍ଷା ମନ୍ତ୍ରାଳୟ ଏହି ତଥ୍ୟ ପ୍ରକାଶ କରିଛି। ରିପୋର୍ଟରେ ଦର୍ଶାଯାଇଛି ଯେ ସ୍କୁଲ ଛାଡ଼ୁଥିବା ପିଲା ସଂଖ୍ୟାର ୮୫ ପ୍ରତିଶତ ହେଉଛନ୍ତି ୧୧ଟି ରାଜ୍ୟର। ଏହି ରାଜ୍ୟଗୁଡ଼ିକ ହେଉଛନ୍ତି- ଉତ୍ତରପ୍ରଦେଶ, ବିହାର, ମଧ୍ୟପ୍ରଦେଶ, ଗୁଜରାଟ, ତାମିଲନାଡୁ, ରାଜସ୍ଥାନ, କର୍ଣ୍ଣାଟକ, ଆସାମ, ପଶ୍ଚିମବଙ୍ଗ, ହରିୟାଣା ଓ ଛତିଶଗଡ। ରିପୋର୍ଟରେ ରାଜ୍ୟ ବୋର୍ଡରେ ଅଧିକ ବିଫଳତା ହାର ହେବାର ସମ୍ଭାବ୍ୟ କାରଣ ମଧ୍ୟରେ ଅନ୍ୟତମ ହେଉଛି- ପ୍ରତି ବିଦ୍ୟାଳୟରେ କମ୍ ସଂଖ୍ୟକ ତାଲିମପ୍ରାପ୍ତ ଶିକ୍ଷକ ରହିବା। ବିଶ୍ୱ ସୂଚକାଙ୍କରେ ଭାରତର ସାମଗ୍ରିକ ମାନ୍ୟତା ଉପରେ ମଧ୍ୟ ଏହା ପ୍ରଭାବ ପକାଇଥାଏ।
Comments are closed.