ନୂଆଦିଲ୍ଲୀ : ୧୦ ଦିନ ପାଇଁ ଇଡି ରିମାଣ୍ଡରେ ଯିବେ ଦିଲ୍ଲୀ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ I ଦିଲ୍ଲୀ ଅବକାରୀ ଦୁର୍ନୀତି ମାମଲାରେ ଛନ୍ଦି ହୋଇ ମନୀଷ ସିସୋଦିଆ ବର୍ତ୍ତମାନ ତିହାର ଜେଲରେ ଅଛନ୍ତି। ଆଜି ଦିଲ୍ଲୀର ରାଉସ୍ ଆଭେନ୍ୟୁ କୋର୍ଟ ଦିଲ୍ଲୀ ଅବକାରୀ ଦୁର୍ନୀତି ମାମଲାରେ ସିସୋଦିଆଙ୍କୁ ୧୦ ଦିନିଆ ରିମାଣ୍ଡରେ ନେବାକୁ ଇଡି ନିଜର ପକ୍ଷ ରଖିଛି I ଏହି ସମୟରେ ଏନଫୋର୍ସମେଣ୍ଟ ନିର୍ଦ୍ଦେଶାଳୟର ଓକିଲ ଏବଂ ମନୀଷ ସିସୋଡିଆଙ୍କ ଓକିଲଙ୍କ ମଧ୍ୟରେ ପ୍ରବଳ ଯୁକ୍ତି ତର୍କ ହୋଇଥିବାର ଦେଖାଯାଇଥିଲା ।
ଇଡି ତରଫରୁ କୋର୍ଟଙ୍କୁ ସୂଚିତ କରାଯାଇଛି କି, ସିସୋଦିଆଙ୍କୁ ଗିରଫ କରିବା ପୂର୍ବରୁ ଇଡି ତାଙ୍କର ଗିରଫର କାରଣ କହିଛି । ଏହାସହ ତାଙ୍କୁ ଜେରାବେଳେ ସିସିଟିଭି ଫୁଟେଜ ମଧ୍ୟ ରେକଡିଂ କରାଯାଇଛି । ସେହିପରି ବିଶେଷଜ୍ଞ କମିଟିର ପରାମର୍ଶ ଅନୁଯାୟୀ ଅବକାରୀ ନୀତି କାର୍ଯ୍ୟକାରୀ ହୋଇ ନାହିଁ। ବରଂ କେତେକ ନିର୍ଦ୍ଦିଷ୍ଟ ଲୋକଙ୍କୁ ଫାଇଦା ପହଞ୍ଚାବା ପାଇଁ ଏହି ନୀତି କାର୍ଯ୍ୟକାରୀ ହୋଇଛି। ଏହି ନୀତି ଦ୍ୱାରା କେତେକ ବ୍ୟକ୍ତିଙ୍କୁ ୧୨ ପ୍ରତିଶତ ଲାଭ ପହଞ୍ଚି ପାରିଛି। ଦିଲ୍ଲୀ ଅବକାରୀ ନୀତି ଦୁର୍ନୀତି ମାମଲା ପ୍ରଥମେ ସିସୋଦିଆଙ୍କୁ ଇଡି ଜେରା କରିଥିଲା । ଜେରା ପରେ ଫେବୃଆରୀ ୨୬ ତାରିଖ ଦିନ ସିବିଆଇ ପକ୍ଷରୁ ସିସୋଦିଆଙ୍କୁ ଗିରଫ କରାଯାଇଥିଲା । ଏହି ମାମଲାରେ ସିବିଆଇ ଯାଂଚ କରୁଥିବା ବେଳେ ଅର୍ଥ ହେରଫେର ମାମଲାର ଯାଂଚ କରୁଛି ଇଡି । ପ୍ରଥମେ ସିବିଆଇ ଓ ପରେ ଇଡି ତରଫରୁ ସିସୋଦିଆଙ୍କୁ ଗିରଫ କରାଯାଇଛି ।
ଏହାକୁ ନେଇ ଆମ୍ ଆଦମୀ ପାର୍ଟି ବିଜେପିକୁ କଡା ସମାଲୋଚନା କରିବା ସହ ଏହା ରାଜନୀତି ପ୍ରଣୋଦିତ ବୋଲି କହିଛି ଦଳ । ଅନ୍ୟପକ୍ଷେ ଦିଲ୍ଲୀର ପୂର୍ବତନ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ ଜେଲ୍ରୁ ଖୋଲା ଚିଠି ଲେଖିଛନ୍ତି। ସିସୋଦିଆ ପଲିଟିକ୍ସ ଅଫ ଏଜୁକେସନ୍ ବନାମ ପଲିଟିକ୍ସ ଅଫ୍ ଜେଲ୍ ସଂକ୍ରାନ୍ତରେ ଏକ ଖୋଲା ଚିଠି ଲେଖିଛନ୍ତି। ସିସୋଦିଆ ତାଙ୍କ ଚିଠିରେ ବିଜେପିକୁ ଟାର୍ଗେଟ୍ କରିଛନ୍ତି।
Comments are closed.