ବଲିଉଡ ଅଭିନେତ୍ରୀ ସୋନମ କପୁର ସବୁବେଳେ ନିଜ ଫ୍ୟାଶନ ସେନ୍ସ ପାଇଁ ଚର୍ଚ୍ଚାରେ ରହିଥାଆନ୍ତି । କେବଳ ଫ୍ୟାଶନ ନୁହେଁ ସେ ନିଜର ଷ୍ଟେଟମେଣ୍ଟ ପାଇଁ ମଧ୍ୟ ଚର୍ଚ୍ଚାରେ ରହିଥାଆନ୍ତି । ନିକଟରେ ସେ ନିଜର କ୍ୟାରିୟର ଷ୍ଟ୍ରଗଲ ନେଇ ମନଖୋଲି କଥା ହୋଇଛନ୍ତି । ସେ ଅନିଲ କପୁରଙ୍କ ଝିଅ ହେଲେ ବି କ୍ୟାରିୟରରେ ଅନେକ ଷ୍ଟ୍ରଗଲ କରିଥିବା ସେ ମତ ଦେଇଛନ୍ତି । ସେ ସିଧାସିଧା ଫିଲ୍ମରେ ସ୍ଥାନ ପାଇନଥିଲେ, ଏଥିପାଇଁ ତାଙ୍କୁ ବିଭିନ୍ନ ପ୍ରକାର କଷ୍ଟ କରିବାକୁ ପଡିଛି । ପିତା ବଲିଉଡର ଏତେ ବଡ ଷ୍ଟାର ହେଲେ ବି ସୋନମଙ୍କୁ କିନ୍ତୁ ହୋଟେଲ୍ରେ ଓଟ୍ରେସର ଚାକିରି କରିବାକୁ ପଡିଥିଲା । ଯେତେବେଳେ ସେ ସିଙ୍ଗାପୁରରେ ପାଠ ପଢୁଥିଲେ ସେହି ସମୟରେ ତାଙ୍କୁ ପକେଟ୍ମନି ମିଳୁନଥିଲା ତେଣୁ ତାଙ୍କୁ ଏଥିପାଇଁ ହୋଟେଲରେ ଚାକିରି କରିବାକୁ ପଡୁଥିଲା । ସେହିଭଳି ବିଟାଉନ୍ରେ ନିଜ କ୍ୟାରିୟରର ପ୍ରଥମରୁ ସେ ଅନ୍ୟମାନଙ୍କ ଠାରୁ ଡିଜାଇନର ଡ୍ରେସ ଧାରନେଇ ପିନ୍ଧୁଥିଲେ । ସବୁବେଳେ କିଛି ପୋଷାକ କିଣିବାକୁ ସୋନମ ସମର୍ଥନ କରୁନଥିଲେ । କିଣିବା ଅପେକ୍ଷା ଡ୍ରେସ ରେଣ୍ଟ ନେବା ତାଙ୍କୁ ବେଶି ଲାଭ ଦାୟକ ଲାଗିଥିଲା ।
Comments are closed.