ସମ୍ବଲପୁର: ଲଗାଣ ବର୍ଷା ଯୋଗୁଁ ଉପରମୁଣ୍ଡରେ ବଢୁଛି ଜଳସ୍ତର I ଏନେଇ ହୀରାକୁଦ ଜଳଭଣ୍ଡାରରେ ଆଉ ୪ ଟି ସ୍ଲୁଇସ୍ ଗେଟ ଖୋଲାଯାଇଛି । ରବିବାର ୫ଟି, ଗତକାଲି ୪ଟି ଓ ଆଜି ୩ଟି ଗେଟ ଖୋଲାଯାଇଛି । ତେବେ ବାମ ପାର୍ଶ୍ବର ୮ ଟି ଏବଂ ଡାହାଣ ପାର୍ଶ୍ବର ୪ ଟି ଗେଟ୍ ଦେଇ ଜଳ ନିଷ୍କାସନ ଜାରି ରହିଛି ।
ସୂଚନାନୁସାରେ,ଗତ ୨୪ ଘଣ୍ଟା ମଧ୍ୟରେ ଉପର ମୁଣ୍ଡରେ ୮.୧୪ ମି.ମି. ବର୍ଷା ହୋଇଥିବାବେଳେ,ତଳ ମୁଣ୍ଡରେ ୬.୫ମି.ମି. ବର୍ଷା ରେକର୍ଡ ହୋଇଥିଲା Iସେପଟେ ଡ୍ୟାମ ଭିତରକୁ ପ୍ରତି ସେକେଣ୍ଡରେ ୧ ଲକ୍ଷ ୫୧ ହଜାର ଘନଫୁଟ ବନ୍ୟାଜଳ ପ୍ରବେଶ କରୁଥିବାବେଳେ ୧ ଲକ୍ଷ ୫୮ ହଜାର ଘନଫୁଟ ଜଳ ନିଷ୍କାସନ କରାଯାଉଛି । ଡ୍ୟାମର ଜଳସ୍ତର ୬୧୪.୦୪ ଫୁଟରେ ପହଞ୍ଚିଛି।
Comments are closed.