ସୌରାଷ୍ଟ୍ର-କଚ୍ଛ ଉପକୂଳ ସହ ରାଜସ୍ଥାନ ଓ କର୍ଣ୍ଣାଟକ ପାଇଁ ବାତ୍ୟା ‘ଆସ୍ନା’ କୁ ନେଇ ଆଇଏମ୍ଡିର ସତର୍କତା
ଗାନ୍ଧୀନଗର: ଗୁଜରାଟର ସୌରାଷ୍ଟ୍ର-କଚ୍ଛ ଉପକୂଳ ପାଇଁ ଆଇଏମ୍ଡି (ଭାରତୀୟ ପାଣିପାଗ ବିଭାଗ) ବାତ୍ୟା ସତର୍କତା ଜାରି କରିଛି। କଚ୍ଛ ଉପକୂଳ, ପାକିସ୍ତାନ ଉପକୂଳ ଅଞ୍ଚଳ ଏବଂ ଉତ୍ତରପୂର୍ବ ଆରବ ସାଗରରେ ଗଭୀର ଅବପାତ ବାତ୍ୟାରେ ପରିଣତ ହେବାକୁ ଯାଉଛି। ଏହି ବାତ୍ୟାର ନାଁ ଦିଆଯାଇଛି ‘ଆସ୍ନା’। ଏହି ନାମ ପାକିସ୍ତାନ ଦେଇଛି। ଗୁଜରାଟରେ ପ୍ରବଳରୁ ଅତି ପ୍ରବଳ ବର୍ଷା ହେବ ବୋଲି ଆଇଏମ୍ଡି ଆକଳନ କରିଛି। ରାଜସ୍ଥାନ ଏବଂ କର୍ଣ୍ଣାଟକ ପାଇଁ ମଧ୍ୟ ସତର୍କତା ଜାରି ହୋଇଛି। ଗତ ୨୪ ଘଣ୍ଟା ମଧ୍ୟରେ ରାଜସ୍ଥାନର ବିଭିନ୍ନ ଅଂଚଳରେ ହାଲୁକାରୁ ମଧ୍ୟମ ଧରଣର ବର୍ଷା ହୋଇଛି। ଅନ୍ୟପକ୍ଷେ କୋଙ୍କଣ ଏବଂ ମହାରାଷ୍ଟ୍ରର ଘାଟି ଅଞ୍ଚଳରେ ଅଗଷ୍ଟ ୩୦ ତାରିଖଠାରୁ ପ୍ରବଳ ବର୍ଷା ହେବ ବୋଲି ଆକଳନ କରାଯାଇଛି। ଜାମନଗର, ପୋରବନ୍ଦର ଏବଂ ଦ୍ବାରକା ଗୁଜରାଟର ଉପକୂଳ ଜିଲ୍ଲାରେ ଆଇଏମ୍ଡି ଅରେଞ୍ଜ ଆଲର୍ଟ ଜାରି କରିଛି। ଇତି ମଧ୍ୟରେ ଉପକୂଳ କର୍ଣ୍ଣାଟକ ପାଇଁ ରେଡ୍ ଆଲର୍ଟ ଜାରି ହୋଇଛି। ଅନ୍ୟପକ୍ଷେ ଗୁଜରାଟରେ ବର୍ଷା ଏବଂ ବନ୍ୟାଜନିତ ବିଭିନ୍ନ କାରଣ ପାଇଁ ୩୫ ଜଣଙ୍କର ମୃତ୍ୟୁ ହୋଇଯାଇଛି।
Comments are closed.