ନୂଆଦିଲ୍ଲୀ: ଅଭିନେତା ସୈଫ ଅଲ୍ଲୀ ଖାନଙ୍କ ପୈତୃକ ସମ୍ପତ୍ତି ବିବାଦରେ ହାଇକୋର୍ଟଙ୍କ ରାୟ ଉପରେ ରୋକ ଲଗାଇଛନ୍ତି ସୁପ୍ରିମକୋର୍ଟ। ଜଷ୍ଟିସ ପିଏସ୍ ନରସିଂହ ଏବଂ ଅତୁଲ ଏସ୍ ଚନ୍ଦୁରକରଙ୍କୁ ନେଇ ଗଠିତ ସୁପ୍ରିମକୋର୍ଟଙ୍କ ଖଣ୍ଡପୀଠ ମଧ୍ୟପ୍ରଦେଶ ହାଇକୋର୍ଟଙ୍କ ରାୟ ଉପରେ ରୋକ ଲଗାଇବା ସହିତ ନବାବଙ୍କ ଦୁଇ ଝିଅଙ୍କ ବଂଶଧରଙ୍କୁ ନୋଟିସ ଜାରି କରିଛନ୍ତି। ଏଥିରେ ଅଭିନେତ୍ରୀ ଶର୍ମିଲା ଟାଗୋର, ସନ୍ତାନ ସୈଫ, ସୋହା ଅଲ୍ଲୀ ଖାନ ଓ ସବା ଅଲ୍ଲୀ ଖାନ ଗୋଟିଏ ପକ୍ଷରେ ଥିବାବେଳେ ନବାବଙ୍କ ଦ୍ବିତୀୟ ଝିଅଙ୍କ ସମ୍ପର୍କୀୟ ଅନ୍ୟ ପକ୍ଷରେ ରହିଛନ୍ତି। ନବାବ ହାଜି ମହମ୍ମଦ ହାମିଦୁଲ୍ଲା ଖାନଙ୍କ ସମ୍ପତ୍ତିକୁ ନେଇ ଦୀର୍ଘ ଛଅ ଦଶନ୍ଧି ହେଲା ଦୁଇ ପକ୍ଷ ମଧ୍ୟରେ ବିବାଦ ଲାଗି ରହିଛି। ୧୯୬୨ ମସିହାରେ ନବାବଙ୍କ ପରଲୋକ ଘଟିଥିବାବେଳେ ତାଙ୍କ ସମ୍ପତ୍ତି ମୂଲ୍ୟ ୧୫,୦୦୦ କୋଟିରୁ ଅଧିକ ହେବ, ଯେଉଁଥିରେ ବାସଭବନ, ଜମିଜମା ଏବଂ ଅଳଙ୍କାର ମଧ୍ୟ ରହିଛି।
