ନବେଦଶକର ଆଗଧାଡିର ନାୟିକା ଭାବେ ରବିନା ଟଣ୍ଡନଙ୍କର ରହିଥିଲା ଭିନ୍ନ କ୍ରେଜ । ସମସ୍ତେ ତାଙ୍କ ଅଭିନୟ ଠାରୁ ଆରମ୍ଭ କରି ଡ୍ୟାନ୍ସ ସବୁର ଦିବାନା ଥିଲେ । ତାଙ୍କ ଫିଲ୍ମ ଆସିଲେ ହଲରେ ଭିଡ ଲାଗି ରହୁଥିଲା । ରବିନାଙ୍କୁ ଟିପ୍ଟିପ୍ ବରସା ପାନି ଭଳି ସେନ୍ସୁଆଲ ଗୀତରେ ମଧ୍ୟ ଦେଖିବାକୁ ମିଳିଥିଲା । ହେଲେ ରବିନା ଫିଲ୍ମରେ କିସିଂ ସିନ୍କୁ ନେଇ ସହଜ ନଥିଲେ ବୋଲି ନିକଟରେ ଏକ ସାକ୍ଷାତକାରରେ ପ୍ରକାଶ କରିଛନ୍ତି । ଫିଲ୍ମରେ ତାଙ୍କୁ ଏଭଳି ସିନ୍ କରିବା ସମୟରେ ଖୁବ ଅସୁବିଧା ହେଉଥିଲା ବୋଲି ସେ ପ୍ରକାଶ କରିଛନ୍ତି । ତେଣୁ ସେ ନୋ କିସିଂ ପଲିସି ରଖିଥିଲେ ବୋଲି ଏଥିରେ ପ୍ରକାଶ କରିଛନ୍ତି । ଏକଦା ସେ ସେଟ୍ରେ ଜଣେ କୋ ଷ୍ଟାରଙ୍କ ସହିତ ଏହି ସିନ୍ କରିବା ସମୟରେ ଖୁବ ଅସହଜ ହୋଇଯାଇଥିଲେ । ଏପରିକି ସେ ଘୃଣାରେ ସେଟ୍ରେ ବାନ୍ତି ମଧ୍ୟ କରିଥିଲେ । ସୁଟିଂ ସମୟରେ ଭୁଲରେ ଏଭଳି ପରିସ୍ଥିତି ସୃଷ୍ଟି ହୋଇଥିଲା ଯାହା ତାଙ୍କୁ ଅସହଜ କରିଥିଲା । ତେବେ ଏହି ସିନ୍ ପରେ ତାଙ୍କ କୋଷ୍ଟାର ତାଙ୍କୁ କ୍ଷମା ମଧ୍ୟ ମାଗିଥିଲେ ।
Comments are closed.