ସିସୋଦିଆଙ୍କ ଅନ୍ତରୀଣ ଜାମିନ ଉପରେ ସିବିଆଇର ଜବାବ ମାଗିଲେ ଦିଲ୍ଲୀ ହାଇକୋର୍ଟ

ନୂଆଦିଲ୍ଲୀ: ଦିଲ୍ଲୀର ପୂର୍ବତନ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କ ଅନ୍ତରୀଣ ଜାମିନ ଉପରେ ଦିଲ୍ଲୀ ହାଇକୋର୍ଟ ଆଜି ସିବିଆଇଠାରୁ ଜବାବ ମାଗିଛନ୍ତି। ଦିଲ୍ଲୀ ଅବକାରୀ ଦୁର୍ନୀତି ମାମଲା ସହ ଜଡ଼ିତ ମନି ଲଣ୍ଡରିଂ ମାମଲାରେ ଦିଲ୍ଲୀ କୋର୍ଟ ସିସୋଦିଆଙ୍କ ନ୍ୟାୟିକ ହାଜତ ମିଆଦ ମେ’ ୮ ପର୍ଯ୍ୟନ୍ତ ବୃଦ୍ଧି କରିଥିଲେ। ଏପ୍ରିଲ ୨୮ ତାରିଖରେ କୋର୍ଟ ସିସୋଦିଆଙ୍କୁ ଜାମିନ ମଂଜୁର କରିନଥିଲେ। ଅବକାରୀ ଦୁର୍ନୀତି ମାମଲାରେ ସିସୋଦିଆଙ୍କ ବିରୋଧରେ ଗୁରୁତର ଅଭିଯୋଗ ଥିବାରୁ ତାଙ୍କୁ ଜାମିନ ମିଳିନଥିଲା। ତେବେ ସିସୋଦିଆଙ୍କ ପତ୍ନୀ ସୀମା ସିସୋଦିଆ ଏବେ ଅତ୍ୟନ୍ତ ଅସୁସ୍ଥ ଥିବାରୁ ସିାସାଦିଆ ଅନ୍ତରୀଣ ଜାମିନ ଚାହିଛନ୍ତି। ଦିଲ୍ଲୀ ହାଇକୋର୍ଟରେ ସିସୋଦିଆ ଅନ୍ତରୀଣ ଜାମିନ ପାଇଁ ଆବେଦନ କରିଛନ୍ତି। କୋର୍ଟ ସିସୋଦିଆଙ୍କ ଜାମିନ ଆବେଦନ ଉପରେ ସିବିଆଇଠାରୁ ଜବାବ ମାଗିଛନ୍ତି। ଉଲ୍ଲେଖଯୋଗ୍ୟ ଯେ ଅବକାରୀ ଦୁର୍ନୀତି ମାମଲାରେ ସିସୋଦିଆ ପ୍ରଥମେ ସିବିଆଇ ଦ୍ବାରା ଗିରଫ ହୋଇଥିଲେ। ପରେ ସେ ଇଡି ଦ୍ବାରା ଗିରଫ ହୋଇଥିଲେ। ସିବିଆଇ ମାମଲାରେ ତାଙ୍କୁ ଜାମିନ ମିଳିସାରିଛି। କିନ୍ତୁ ଇଡି ମାମଲାରେ ଜାମିନ ମିଳିନି।