ଅମୃତସର, ୨୬/୩ : ସ୍ବର୍ଗତ ପଂଜାବୀ ଗାୟକ ସିଦ୍ଧୁ ମୁସେୱାଲାଙ୍କ ବାପା ବାଲକୌର ସିଂହଙ୍କୁ ହତ୍ୟା ଧମକ ମିଳିଛି। ସିଂହ କହିଛନ୍ତି ରାଜସ୍ଥାନରୁ ତାଙ୍କୁ ଇମେଲ୍ ଦ୍ବାରା ହତ୍ୟା ଧମକ ମିଳିଛି। ତାଙ୍କୁ ଖୁବ୍ଶୀଘ୍ର ହତ୍ୟା କରାଯିବ ବୋଲି ଏହି ଇମେଲ୍ରେ କୁହାଯାଇଛି। ପୂର୍ବରୁ ମଧ୍ୟ ସିଂହଙ୍କୁ ହତ୍ୟା ଧମକ ମିଳିଥିଲା । ଏପ୍ରିଲ ୨୫ ପୂର୍ବରୁ ତାଙ୍କୁ ହତ୍ୟା କରାଯିବ ବୋଲି ଧମକ ମିଳିଥିଲା। ବାଲକୌର ସିଂହ କହିଛନ୍ତି, ମୁଁ କ’ଣ ଭୁଲ୍ କରୁଛି। ମୁଁ କ’ଣ ମୋ ପୁଅର ମାମଲା ଲଢ଼ିବିନି। ସିଂହ କହିଛନ୍ତି ତାଙ୍କୁ ଏପ୍ରିଲ ୨୫ ପୂର୍ବରୁ ହତ୍ୟା କରାଯିବ ବୋଲି ଫେବ୍ରୁଆରି ୧୮, ୨୪ ଏବଂ ୨୭ରେ ଧମକ ମିଳିଥିଲା। ପୁଲିସ ସିଂହଙ୍କ ଅଭିଯୋଗ ଆଧାରରେ ଏକ ମାମଲା ରୁଜୁ କରିଛି ।
Comments are closed.