ବିଟାଉନ୍ର ଜଣେ ଆଗଧାଡିର ନାୟିକାଭାବେ କ୍ୟାଟ୍ରିନାଙ୍କର ଖୁବ ଚର୍ଚ୍ଚା ହୋଇଥାଏ । ତେବେ ଆଜି ତାଙ୍କର ସଫଳତା ପଛର କାହାଣୀ ଖୁବ ସଂଘର୍ଷ । ତାଙ୍କୁ ପିଲାଦିନୁ ହିଁ ଅନେକ କଷ୍ଟ ସହିବାକୁ ପଡିଛି । ଯେତେବେଳେ କ୍ୟାଟ୍ରିନା ଛୋଟ ଥିଲେ ସେତେବେଳେ ତାଙ୍କ ବାପାମାଆଙ୍କର ବିବାହ ବିଚ୍ଛେଦ ହୋଇଥିଲା । ଏହାର ଖୁବ ନକରାତ୍ମକ ପ୍ରଭାବ ତାଙ୍କ ଉପରେ ପଡିଥିଲା । ବିବାହ ବିଚ୍ଛେଦପରେ ତାଙ୍କ ପିତା ତାଙ୍କୁ କୌଣସି ଆର୍ଥିକ ସହାୟତା କରିନଥିଲେ । ତାଙ୍କ ମାଆ ସମସ୍ତ ଖର୍ଚ୍ଚ ଉଠାଉଥିଲେ । ସେ ଏକୁଟିଆ ହିଁ ସମସ୍ତ ୮ଜଣ ଭାଇ ଭଉଣୀଙ୍କର ଲାଳନ ପାଳନ କରିଥିଲେ । ତେଣୁ ପରିସ୍ଥିତିରେ ପଡି ମାତ୍ର ୧୪ ବର୍ଷରୁ ସେ ମଡେଲିଂ ଆରମ୍ଭ କରିଥିଲେ । ତାଙ୍କ ପ୍ରତିଭା କାରଣରୁ ତାଙ୍କୁ ଅନେକ ମଡେଲିଂ ପ୍ରୋଜେକଫ ମିଳିବା ଆରମ୍ଭ ହୋଇଥିଲା । ଏହାପରେ ସେ ଧୀରେଧୀରେ ନିଜର କ୍ୟାରିୟର ଗଢିଥିଲେ । ଏହାପରେ ସେ ବଲିଉଡରେ ଡେବ୍ୟୁ କରିଥିଲେ । ବଲିଉଡରେ ତାଙ୍କର ଡେବ୍ୟୁ ଫିଲ୍ମ ଫ୍ଲପ ହେବା ପରେ ପୁଣି ତାଙ୍କ କ୍ୟାରିୟରରେ ବ୍ରେକ ଲାଗିଥିଲା, କିନ୍ତୁ ତାଙ୍କ ଜୀବନରେ ସଲମାନଙ୍କ ଏଣ୍ଟ୍ରି ତାଙ୍କୁ ଅନେକ ସୁଯୋଗ ଦେଇଥିଲା । ଏହାପରେ ତାଙ୍କୁ ଅନେକ ହିଟ୍ ପ୍ରୋଜେକ୍ଟରେ ଦେଖିବାକୁ ମିଳିଥିଲା ।
Comments are closed.