ଭୁବନେଶ୍ୱର : ସବୁ ଅପେକ୍ଷାର ଅନ୍ତ ଘଟି ଶେଷରେ ଗଠିତ ହୋଇଛି ପୁରୀ ଶ୍ରୀମନ୍ଦିର ପରିଚାଳନା କମିଟି । ଏନେଇ ଆଇନ ବିଭାଗ ପକ୍ଷରୁ ପ୍ରକାଶ ପାଇଲା ବିଜ୍ଞପ୍ତି । ଗଠନ ହୋଇଥିବା ପରିଚାଳନା କମିଟିରେ ୧୦ ଜଣ ସଦସ୍ୟ ଅଛନ୍ତି । ଏହି କମିଟିରେ ମୁକ୍ତିମଣ୍ଡପ ପ୍ରତିନିଧି ଭାବେ ଡକ୍ଟର ସିଦ୍ଧେଶ୍ବର ମହାପାତ୍ର, ସେବକ ପ୍ରତିନିଧି କୃଷ୍ଣଚନ୍ଦ୍ର ସାମନ୍ତରାୟ, ମଧୁସୂଦନ ସିଂହାରୀ, ଜଗନ୍ନାଥ ପୂଜାପଣ୍ଡା, ଗଣେଶ ଦାସମହାପାତ୍ର, ରାମନାରାୟଣ ଗୋଚ୍ଛିକାର, ମଠ ପ୍ରତିନିଧି ଭାବେ ରଘୁବୀର ଦାସମହାରାଜ ସ୍ଥାନ ପାଇଛନ୍ତି ।
ସେହିପରି ଏହି ୧୦ ଜଣିଆ ପରିଚାଳନା କମିଟିରେ ପୂର୍ବତନ CAG ଡାକ୍ଟର ଗିରିଶ ଚନ୍ଦ୍ର ମୁର୍ମୁ, ଚାର୍ଟାଡ ଆକାଉଣ୍ଟାଣ୍ଟ ଏ.କେ ସାବତ ଓ ମହେଶ ସାହୁ ରହିଛନ୍ତି । ଏହାପୂର୍ବରୁ ଶ୍ରୀମନ୍ଦିର ପରିଚାଳନା କମିଟି କାହିଁକି ଗଠନ ହେଉନି ସେନେଇ ବେଶ୍ ଚର୍ଚ୍ଚା ହେଉଥିଲା । କିଛି ଦିନ ପୂର୍ବେ ଆଇନ୍ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ଖୁବଶୀଘ୍ର ଶ୍ରୀମନ୍ଦିର ପରିଚାଳନା କମିଟି ଗଠନ ହେବା ନେଇ ସୂଚନା ଦେଇଥିଲେ ।
Comments are closed.