ଆଜିକାଲି ପ୍ରତିଟି ଭାରତୀୟ ରେଳରେ ଶୌଚାଳୟର ସୁବିଧା ରହିଛି । ହେଲେ ଦିନଥିଲା ଟ୍ରେନ୍ରେ ଏହି ସୁବିଧା ନଥିଲା । ତେବେ ଏହା ପଛରେ ଏକ ରୋମାଞ୍ଚକର କାହାଣୀ ରହିଛି, ଯେଉଁ କାରଣରୁ ଟ୍ରେନ୍ରେ ଶୌଚାଳୟ ସାମିଲ ହୋଇଥିଲା । ଓଖିଲି ଚନ୍ଦ୍ରସେନ ନାମକ ଜଣେ ବ୍ୟକ୍ତି ଭାରତୀୟ ରେଳର ବ୍ୟବସ୍ଥାରେ ପରିବର୍ତ୍ତନ ଆଣିଥିଲେ । ପ୍ରଥମେ ୧୮୫୩ ମସିହାରେ ବ୍ରିଟିଶ ଶାସନ ସମୟରେ ଭାରତରେ ରେଳ ଗଡିଥିଲା,ହେଲେ ପ୍ରଥମରୁ ଏଥିରେ ଶୌଚାଳୟର ଅଭାବ ରହିଥିଲା । ପ୍ରଥମେ ରେଳ ଗୁଡିକ ଖୁବ କମ ବ୍ୟବଧାନ ମଧ୍ୟରେ ଯାଆସ କରୁଥିଲା । ହେଲେ ଯେତେବେଳେ ଅଧିକ ବ୍ୟବଧାନରେ ଟ୍ରେନ ଯାତ୍ରା ଆରମ୍ଭ ହେଲା ସେହି ସମୟରେ ଏହା ଏକ ଗୁରୁତର ସମସ୍ୟାରେ ପରିଣତ ହେଲା । ତେବେ ପାଖାପାଖି ୫୦ ବର୍ଷ ପର୍ଯ୍ୟନ୍ତ ଏଥିପ୍ରତି ବ୍ରିଟିଶର ମାନେ ଧ୍ୟାନ ଦେଇନଥିଲେ । ୧୯୦୯ରେ ଭାରତରେ ଗଡୁଥିବା ରେଳରେ ପ୍ରଥମକରି ଶୌଚାଳୟ ବ୍ୟବସ୍ଥା କରାଗଲା, ଯାହା ପଛରେ ଏକ ରୋଚକ କାହାଣୀ ରହିଛି । ସୂଚନା ଅନୁସାରେ ୧୯୦୯ ଜୁଲାଇ ୨ରେ ଓକିଲି ଚନ୍ଦ୍ରସେନ ନାମକ ବ୍ୟକ୍ତି ଟ୍ରେନରେ ଯାତ୍ରା କରୁଥିବାବେଳେ ତାଙ୍କୁ ଶୌଚାଳୟର ଆବଶ୍ୟକତା ପଡିଥିଲା । ଯେଉଁଥିପାଇଁ ତାଙ୍କୁ କିଛି ଅପମାନକ ଜନକ ପରିସ୍ଥିତି ଦେଇ ଗତି କରିବାକୁ ପଡିଥିଲା । ଏହାପରେ ସେ ଟ୍ରେନ୍ରେ ଶୌଚାଳୟ ସ୍ଥାପନା ପାଇଁ ଲଢେଇ ଆରମ୍ଭ କରିଥିଲେ । ପ୍ରଥମେ ସେ ତତ୍କାଳୀନ ରେଳବିଭାଗର ଅଧିକାରୀଙ୍କ ପାଖୁ ଏକ ପତ୍ର ଏ ସଂକ୍ରାନ୍ତରେ ଲେଖିଥିଲେ । ଏହାପରେ ରେଳରେ ଶୌଚାଳୟର ବ୍ୟବସ୍ଥା କରାଯାଇଥିଲା ।
Comments are closed.