ରେଳରେ କଟି ମା’ଓ ଝିଅ ମୃତ,ପୁଅ ଗୁରୁତର

ଗଞ୍ଜାମ : ରଜ ସଂକ୍ରାନ୍ତିରେ ପୁଣି ରେଳ ଅଘଟଣ I ରେଳ ଲାଇନ ରେ କଟି ମା’ଝିଅ ମୃତ,ପୁଅ ଗୁରୁତର I ଘଟଣା ଘଟିଛି ଗଞ୍ଜାମ ଜିଲ୍ଲା ପାତ୍ରପୁର ବ୍ଲକ ଅନ୍ତର୍ଗତ ଚିଡ଼ିପୁଡ଼ ଗାଁରେ I ମହିଳା ଜଣକ ନିଜର ଦୁଇ ଛୁଆଙ୍କୁ ଧରି ଟ୍ରେନ ଲାଇନରେ ଯାଉଥିବା ବେଳେ ରେଳରେ କଟି ଯାଇଥିଲେ । ଏହି ଦୁର୍ଘଟଣାରେ ମହିଳା ଓ ତାଙ୍କର ୮ ମାସର ଝିଅର ମୃତ୍ୟୁ ଘଟିଥିବାବେଳେ ତାଙ୍କର ୪ବର୍ଷର ପୁଅ ଗୁରୁତର ହୋଇ ବ୍ରହ୍ମପୁର ଏମକେସିଜି ହସ୍ପିଟାଲ ରେ ଚିକିତ୍ସିତ ହେଉଛି I

ସୂଚନାନୁସାରେ,ଚିଡିପୁଡ଼ି ଗ୍ରାମର ୟୁ. ଶ୍ୟାମ ରେଡ୍ଡୀଙ୍କ ପତ୍ନୀ ୟୁ. ଶ୍ରାବଣୀ(୩୦)ବୁଧବାର ଅପରାହ୍ଣ ୧ଟା ବେଳେ ନିଜ ୨ ଛୁଆଙ୍କୁ ଧରି ଆନ୍ଧ୍ରପ୍ରଦେଶର ଲୋଧପୁଟି ନିକଟ ରେଳ ଧାରଣାରେ ଯାଉଥିବାବେଳେ କଟି ଯାଇଥିଲେ । ଏଥିରେ ଶ୍ରାବଣୀ ଏବଂ ତାଙ୍କର ନଅ ମାସର ଝିଅ ଶ୍ରୀର ମୃତ୍ୟୁ ଘଟିଥିବା ବେଳେ ୪ ବର୍ଷର ପୁଅ ହର୍ଷିତ ମୃତ୍ୟୁ ମୁଖରୁ ରକ୍ଷା ପାଇଯାଇଛନ୍ତି। ଆହତ ହର୍ଷିତ ଙ୍କୁ ଚିକିତ୍ସା ପାଇଁ ବ୍ରହ୍ମପୁର ବଡ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ଜଣାପଡ଼ିଛି। ରେଳ ଧାରଣାଟି ଗାଁ ଠାରୁ ପ୍ରାୟ ୩ କିମି ଦୂର ଥିବାବେଳେ କେହି କେହି ଏହାକୁ ଆତ୍ମହତ୍ୟା ବୋଲି କହୁଛନ୍ତି I ତେବେ ଶ୍ରାବଣୀ ପ୍ରାୟ ୧୦ମାସ ତଳେ ପ୍ରସବ ପାଇଁ ଜେଜେ ମା ରହୁଥିବା ଖମ୍ବାରି ଗାଁକୁ ଆସିଥିଲେ। ସନ୍ତାନ ଜନ୍ମ ପରେ ୨ ମାସ ତଳେ ସେ ନିଜ ଶାଶୁ ଘରକୁ ଯାଇଥିବା ବେଳେ ଆଜି ଏହି ଘଟଣା ଘଟିଛି।

ଘଟଣାର ପଲାସା ଜିଆର୍‌ପି ପୋଲିସ୍‌ କେସ୍ ନମ୍ବର ୯୨/୨୩ରେ ଏକ ଅପମୃତ୍ୟୁ ମାମଲା ରୁଜୁ କରି ମୃତଦେହ ବ୍ୟବଚ୍ଛେଦ ପାଇଁ ପଠାଇଛି। ଏହାସହ ଘଟଣାର ତଦନ୍ତ ଚଳାଇଛି। ଘଟଣାକୁ ନେଇ ଗ୍ରାମରେ ଶୋକାକୁଳ ପରିବେଶ ସୃଷ୍ଟି ହୋଇଛି।