ନୂଆଦିଲ୍ଲୀ: ରୁଷ୍ରେ ଏକ ବିୟର୍ କମ୍ପାନି ଏହାର ବିୟର କେନ୍ରେ ମହାତ୍ମା ଗାନ୍ଧୀଙ୍କ ଫଟୋ ବ୍ୟବହାର କରିଛି। ରୁଷୀୟ ବ୍ରାଣ୍ଡ୍ ରିୱର୍ଟ ଦ୍ବାରା ପ୍ରସ୍ତୁତ ହେଉଥିବା ଏହି ବିୟର କେନ୍ର ଫଟୋ ସୋସିଆଲ ମିଡିଆରେ ଜୋର୍ଦାର୍ ଭାଇରାଲ୍ ହେବାରେ ଲାଗିଛି। ଓଡ଼ିଶାର ପୂର୍ବତନ ମୁଖ୍ୟମନ୍ତ୍ରୀ ନନ୍ଦିନୀ ଶତପଥୀଙ୍କ ନାତି ତଥା ରାଜନେତା ସୁପର୍ଣ୍ଣୋ ଶତପଥୀ ଏହି ଫଟୋ ସେୟାର କରିବା ସହ ଭାରତୀୟ କର୍ତ୍ତୃପକ୍ଷମାନେ ଏନେଇ ରୁଷ୍ କର୍ତ୍ତୃପକ୍ଷଙ୍କ ସହ ଆଲୋଚନା କରି ଯଥୋଚିତ କାର୍ଯ୍ୟପନ୍ଥା ଗ୍ରହଣ କରିବାପାଇଁ ଅନୁରୋଧ କରିଛନ୍ତି। ଶତପଥୀ ଏକ ପୋଷ୍ଟ୍ କରି କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଜୀଙ୍କୁ ଏହା ମୋର ବିନମ୍ର ଅନୁରୋଧ ଯେ ସେ ତାଙ୍କ ବନ୍ଧୁ ରୁଷ୍ ରାଷ୍ଟ୍ରପତି ଭ୍ଲାଦିମିର୍ ପୁଟିନ୍ଙ୍କ ସହ ଏହି ପ୍ରସଙ୍ଗ ଉଠାନ୍ତୁ। ରୁଷ୍ର ଏକ ବିୟର କମ୍ପାନି ଗାନ୍ଧୀଜୀଙ୍କ ନାଁରେ ବିୟର ବିକୁଛି। ମୋଦୀ ଉକ୍ତ ପ୍ରସଙ୍ଗରେ ପୁଟିନ୍ଙ୍କ ସହ କଥା ହେବାପାଇଁ ସେ ଅନୁରୋଧ କରିଛନ୍ତି। ଅନେକ ସୋସିଆଲ ମିଡିଆ ବ୍ୟବହାର କାରୀ ବିୟର କେନ୍ରେ ମହାତ୍ମା ଗାନ୍ଧୀଙ୍କ ଫଟୋ ରଖିବାକୁ କଡ଼ା ସମାଲୋଚନା କରିଛନ୍ତି।
Comments are closed.