ଭୁବନେଶ୍ୱର : ରାସ୍ତା ପାର୍ଶ୍ୱ ଗଛରୁ ପ୍ରେମୀ ଯୁଗଳଙ୍କ ମୃତଦେହ ଉଦ୍ଧାର । ଖୋର୍ଦ୍ଧା ଜିଲ୍ଲା ଜଙ୍କିଆ ଥାନା ଅନ୍ତର୍ଗତ ଗୌଡ଼ପାଟଣା ଗାଁ ନିକଟ ରାସ୍ତାପାର୍ଶ୍ବ ଏକ ଗଛରୁ ଏହି ପ୍ରେମୀଯୁଗଳଙ୍କ ମୃତଦେହ ଉଦ୍ଧାର କରାଯାଇଛି । ଉଭୟେ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି। ମୃତଦେହଠାରୁ କିଛି ଦୂରରେ ରାସ୍ତା ଉପରେ ଏକ ସ୍କୁଟି ରହିଛି। ଏହି ସ୍କୁଟିରେ ସେମାନେ ଏଠାକୁ ଆସିଥିବା ଅନୁମାନ କରାଯାଉଛି। ମୃତ ଯୁବକ ସୁନାଖଳାର ଅଜୟ ଏବଂ ଯୁବତୀ ଶାନ୍ତିଲତା ମାହାପାତ୍ର । ଅଜୟ ସୁନାଖଳାରେ ଏକ ଗ୍ୟାରେଜ କରିଥିବାବେଳେ ଶାନ୍ତିଲତା ବିୟୁଟି ପାର୍ଲର କରିଥିଲେ । ତେବେ ଦୁଇ ଜଣଙ୍କୁ କିଏ ହତ୍ୟା କରିଛି ନା ସେମାନେ ଆତ୍ମହତ୍ୟା କରିଛନ୍ତି, ସ୍ପଷ୍ଟ ହୋଇନି । ଉଭୟଙ୍କ ଫଟୋ ଓ ଭିଡିଓ ସୋସିଆଲ ମିଡିଆରେ ଘୂରି ବୁଲୁଛି। ଖବରପାଇବା ପରେ ଜଙ୍କିଆ ଓ ବେଗୁନିଆ ପୋଲିସ ପହଞ୍ଚି ମୃତଦେହ ଉଦ୍ଧାର କରିବା ସହିତ ଘଟଣାର ତଦନ୍ତ ଚଳାଇଛି।
Comments are closed.