ଥ୍ରିସୁର: କେରଳର ଥ୍ରିସୁରର ନାଟ୍ଟିକାରେ ୧୦ରୁ ଅଧିକ ଲୋକ ରାସ୍ତା କଡ଼ରେ ଶୋଇଥିବା ବେଳେ ସେମାନଙ୍କ ଉପରେ ଏକ ଟ୍ରକ୍ ମାଡ଼ି ଯାଇଥିଲା। ଫଳରେ ୨ ଶିଶୁଙ୍କ ସମେତ ୫ ଜଣଙ୍କର ଘଟଣାସ୍ଥଳରେ ମୃତ୍ୟୁ ହୋଇଯାଇଛି। ଅନ୍ୟ ୭ ଜଣ ଏହି ଘଟଣାରେ ଆହତ ହୋଇଛନ୍ତି। ସେମାନଙ୍କ ସ୍ବାସ୍ଥ୍ୟାବସ୍ଥା ଏବେ ଅତି ଗୁରୁତର ଥିବାବେଳେ ସେମାନଙ୍କୁ ସରକାରୀ ମେଡିକାଲ କଲେଜ ହସ୍ପିଟାଲରେ ଚିକିତ୍ସା କରାଯାଉଛି। ମୃତକମାନେ ହେଉଛନ୍ତି ପଲକ୍କଡ଼ ଗୋବିନ୍ଦପୁରମ ବାସିନ୍ଦା। ମୃତକଙ୍କ ମଧ୍ୟରେ ଜଣେ ୧ ବର୍ଷର ଏବଂ ୪ ବର୍ଷର ଶିଶୁ ଥିବା ଜଣାପଡ଼ିଛି। କନ୍ନୁରରୁ କୋଚିକୁ କାଠ ନେଇ ଆସୁଥିବା ଏକ ଟ୍ରକ୍ ରାସ୍ତା କଡ଼ରେ ଶୋଇଥିବା ଲୋକଙ୍କ ଉପରେ ମଡ଼ାଇ ଦେଇଥିଲା ବୋଲି ପୁଲିସ କହିଛି। ପୁଲିସ ଏହି ଘଟଣାରେ ଡ୍ରାଇଭର ଆଲେକ୍ସ (୩୩)ଙ୍କୁ କନ୍ନୁରରୁ ଗିରଫ କରିଛି।

Comments are closed.