ଅଭିନୟରୁ ରାଜନୀତିରେ ପାଦ ଦେଇଥିବା କଙ୍ଗନା ରାଣାଓ୍ୱତ ବର୍ତ୍ତମାନ ନିଜ ଷ୍ଟେଟମେଣ୍ଟକୁ ନେଇ ଖୁବ ଚର୍ଚ୍ଚାରେ ଅଛନ୍ତି । ନିକଟରେ ଏକ ସାକ୍ଷାତକାରରେ ସେ ଦେଇଥିବା ମତ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ବର୍ତ୍ତମାନ ସାଂସଦ ଭାବେ କାମ କରିବାକୁ ତାଙ୍କୁ ଆଉ ମଜା ଲାଗୁନିବୋଲି ସେ ନିଜ ସାକ୍ଷାତକାରରେ ପ୍ରକାଶ କରିଛନ୍ତି । ତାଙ୍କୁ ଟିକେଟ ଦେବା ସମୟରେ ୬୦ ରୁ ୭୦ ଦିନ କାମ କରିବାକୁ ପଡିବ ବୋଲି କୁହାଯାଇଥିଲା । ଯାହା ପରେ ସେ ନିଜ କାମ କରିବାକୁ ଫ୍ରି ରହିବେ ବୋଲି କୁହାଯାଇଥିଲା । ଜଣେ ବ୍ୟକ୍ତି ସଚ୍ଚୋଟ ରହି ରାଜନୀତି କରିବା ଖୁବ କଷ୍ଟଦାୟକ । ସେହିଭଳି ନିଜ ସଂସଦୀୟ କ୍ଷେତ୍ରର ଲୋକଙ୍କ ପାଖକୁ ଯିବାଆସିବାରେ ହିଁ ତାଙ୍କର ସମସ୍ତ ଅର୍ଥ ଖର୍ଚ୍ଚ ହୋଇଯାଉଛି । ସେହିଭଳି ତାଙ୍କ ଆଶା ଥିଲା କି ତାଙ୍କୁ ମନ୍ତ୍ରୀ କରାଯିବ ହେଲେ ସେଭଳି ମଧ୍ୟ ହେଲା ନାହିଁ । ସେ ପାର୍ଟି ପାଇଁ ଖୁବ କାମ କରିଛନ୍ତି, ହେଲେ ଫଳ ମିଳିଲାନି ବୋଲି କଙ୍ଗନା ମତ ଦେଇଛନ୍ତି । ସେ ପୂର୍ବ ସାଂସଦଙ୍କ ଅପେକ୍ଷା ଖୁବ ଅଧିକ କାମ ନିଜ ନିର୍ବାଚନ ମଣ୍ଡଳୀ ପାଇଁ କରିଥିବା ପ୍ରକାଶ କରିଛନ୍ତି ।
Comments are closed.