ନୂଆଦିଲ୍ଲୀ : କେନ୍ଦ୍ରୀୟ ଜଳ ଆୟୋଗ ଦ୍ୱାରା ରବିବାର ଜାରି କରାଯାଇଥିବା ଏକ ପରାମର୍ଶରେ କୁହାଯାଇଛି ଯେ ଦିଲ୍ଲୀରେ ଯମୁନା ନଦୀ ଅଗଷ୍ଟ ୧୯ ସୁଦ୍ଧା ୨୦୬ ମିଟର ଉଚ୍ଚତାରେ ପହଞ୍ଚିବ ଏବଂ ୨୦୫.୩୩ ମିଟର ବିପଦ ସଙ୍କେତ ଅତିକ୍ରମ କରିବ। ୧୭ ଅଗଷ୍ଟରେ ହାଥନିକୁଣ୍ଡ ବ୍ୟାରେଜରୁ ଛଡ଼ାଯାଇଥିବା ପାଣିର ପରିମାଣ ଏବଂ ଉପର ଯମୁନା ଅଞ୍ଚଳରେ ପ୍ରବଳ ବର୍ଷାକୁ ଦୃଷ୍ଟିରେ ରଖି, ଏହା ସୂଚନା ଦିଆଯାଇଛି । ୧୯ ଅଗଷ୍ଟ, ୨୦୨୫ ରେ ରାତି ୨ଟା ପ୍ରାୟ ଦିଲ୍ଲୀ ରେଳ ସେତୁରେ ଜଳସ୍ତର ୨୦୬.୦୦ ଅତିକ୍ରମ କରିପାରେ ବୋଲି ପରାମର୍ଶାବଳିରେ କୁହାଯାଇଛି। ସିଡବ୍ଲୁସି କହିଛି ଯେ ବନ୍ୟା ଭଳି ପରିସ୍ଥିତିକୁ ମୁକାବିଲା କରିବା ପାଇଁ ସମସ୍ତ ସମ୍ପୃକ୍ତ ସଂସ୍ଥାଗୁଡ଼ିକୁ ସତର୍କତାମୂଳକ ପଦକ୍ଷେପ ନେବାକୁ କୁହାଯାଇଛି। କେନ୍ଦ୍ରୀୟ ବନ୍ୟା କୋଠରୀର ଜଣେ ଅଧିକାରୀ କହିଛନ୍ତି, ପ୍ରତି ଘଣ୍ଟାରେ ୱାଜିରାବାଦ ଏବଂ ହାଥନିକୁଣ୍ଡ ବ୍ୟାରେଜରୁ ଅଧିକ ପରିମାଣର ଜଳ ନିର୍ଗତ ହେବା ଦ୍ୱାରା ଜଳସ୍ତର ବୃଦ୍ଧି ପାଇଛି। ବନ୍ୟା ନିୟନ୍ତ୍ରଣ ବିଭାଗର ସୂଚନା ଅନୁଯାୟୀ, ହାଥନିକୁଣ୍ଡ ବ୍ୟାରେଜ ପ୍ରାୟ ୧୨୭,୦୩୦ କ୍ୟୁସେକ ପାଣି ଛାଡ଼ୁଛି, ଯାହା ଏହି ଋତୁରେ ସର୍ବାଧିକ ଏବଂ ୱାଜିରାବାଦ ପ୍ରତି ଘଣ୍ଟାରେ ୪୫,୬୨୦ କ୍ୟୁସେକ ପାଣି ଛାଡ଼ୁଛି। ବ୍ୟାରେଜରୁ ଛଡାଯାଇଥିବା ପାଣି ସାଧାରଣତଃ ଦିଲ୍ଲୀରେ ପହଞ୍ଚିବାକୁ ୪୮ରୁ ୫୦ ଘଣ୍ଟା ସମୟ ନେଇଥାଏ। ଶୁକ୍ରବାର ଦିନ ଦିନ ଗୋଟାଏରେ ଜଳସ୍ତର ୨୦୪.୬୫ ମିଟରରେ ପହଞ୍ଚିଥିଲା ଏବଂ ଶନିବାର ଦିନ ଏହା ୨୦୫.୧୧ ମିଟରରେ ପହଞ୍ଚିଥିଲା।
