ମୟୁରଭଞ୍ଜରେ ଡବଲ ମର୍ଡର ,ଅଭିଯୁକ୍ତ ପୁଅ ଅଟକ

ବୈସିଙ୍ଗା : ନିଶାସକ୍ତ ପୁଅର ଉନ୍ମତ୍ତ କାଣ୍ଡ । ବୟସ୍କ ବାପା-ମାଆଙ୍କୁ ହତ୍ୟା କଲା ନୃଶଂସ ପୁଅ । ପ୍ରଥମେ ବାଡେଇଲା, ପରେ ଛେଚିଲା ଓ ଶେଷରେ ହାଣିଲା। ଏଭଳି ଦୁଃଖଦ ଘଟଣା ଘଟିଛି ମୟୁରଭଞ୍ଜ ଜିଲ୍ଲା ବୈଶିଙ୍ଗା ଥାନା ବଡ଼ସାହି ବ୍ଲକ୍ ଅନ୍ତର୍ଗତ ମାନଗୋବିନ୍ଦପୁର ପଞ୍ଚାୟତ ଧନାପାଳ ଗାଁରେ । ମୃତକ ବାପା ହେଲେ ହାଡିବନ୍ଧୁ ସାହୁ (୮୦) ଓ ମା’ ହେଲେ ଶାନ୍ତି ସାହୁ (୭୨)ବର୍ଷ । ଅଭିଯୁକ୍ତ ପୁଅ ହିମାଂଶୁ ସାହୁଙ୍କୁ ଅଟକ ରଖିଛି ବଡ଼ସାହି ପୋଲିସ ।

ଘଟନାନୁସାରେ,ଗତକାଲି ରାତିରେ ବାପା-ମାଆ ଘରେ ଶୋଇଥିବାବେଳେ ପୁଅ ନିଶାସକ୍ତ ଅବସ୍ଥାରେ ଆସି ଆକ୍ରମଣ କରିଥଲା । ପ୍ରଥମେ ଅସୁସ୍ଥ ମା’ଙ୍କୁ ପଥରରେ ଛେଚି ଲହୁଲୁହାଣ କରିଥିଲା । ପରେ ବାପାଙ୍କୁ ମାରଣାସ୍ତ୍ରରେ ଆକ୍ରମଣ କରିଥିଲା । ଘଟଣାସ୍ଥଳରେ ଦୁଇଜଣଙ୍କର ମୃତ୍ୟୁ ହୋଇଛି । ଅଭିଯୁକ୍ତ ପୁଅ ହିମାଂଶୁ ସାହୁକୁ ଗିରଫ କରିଛି ପୁଅ । ମୃତଦେହକୁ ଜବତ କରି ତଦନ୍ତ କରୁଛି ବୈସିଙ୍ଗା ଥାନା ପୋଲିସ । ତେବେ ପ୍ରାଥମିକ ସୂଚନାନୁସାରେ ଯାହା ଜଣାପଡିଛି ପୁଅର ଜଣେ ବିବାହିତା ମହିଳାଙ୍କ ସହ ଅନୈତିକ ସମ୍ପର୍କକୁ ନେଇ ପୂର୍ବରୁ ତାଙ୍କ ପତ୍ନୀ ୨ ପିଲାଙ୍କୁ ନେଇ ବାପା ଘରକୁ ଚାଲିଯାଇଥିଲେ । ଏହି ଘଟଣାକୁ ନେଇ ମଝିରେ ମଝିରେ ଘରେ ଅଶାନ୍ତି ଲାଗି ରହୁଥିଲା ।

Comments are closed.