ବଲିଉଡ ସେଲିବ୍ରିଟିଙ୍କ ସହିତ କ୍ରିକେଟରଙ୍କ ଯୋଡା ହେବାର ଅନେକ କାହାଣୀ ଦେଖିବାକୁ ମିଳିଥାଏ । ଏହିଭଳି ଅନେକ ଉଦାହରଣ ରହିଛି, ଯେଉଁଥିରେ ସେଲିବ୍ରିଟିମାନେ କ୍ରିକେଟରଙ୍କ ସହିତ ସମ୍ପର୍କକୁ ନେଇ ଚର୍ଚ୍ଚାରେ ରହିଥାଆନ୍ତି । ସେହିଭଳି ଜଣେ ଚର୍ଚ୍ଚିତ ଯୋଡି ଥିଲେ ଅଭିନେତ୍ରୀ ଇଶା ଗୁପ୍ତା ଓ ହାର୍ଦ୍ଦିକ ପାଣ୍ଡ୍ୟା । ଉଭୟଙ୍କ ଡେଟିଂ ଏକଦା ଖୁବ ଚର୍ଚ୍ଚା ସାଉଁଟିଥିଲା । ଉଭୟଙ୍କ ପକ୍ଷରୁ ସେତେବେଳେ ଏହାକୁ ନେଇ କୌଣସି ମନ୍ତବ୍ୟ ଦିଆ ଯାଇନଥିଲା ହେଲେ ଫ୍ୟାନ୍ଙ୍କ ଭିତରେ ଖୁବ ଚର୍ଚ୍ଚା କରାଯାଇଥିଲା । ତେବେ ନିକଟରେ ଏ ନେଇ ନିଜେ ଇଶା ଗୁପ୍ତା କଥା ହୋଇଛନ୍ତି । ଘଟଣାର ଏତେ ବର୍ଷ ପରେ ଇଶା ଦେଇଥିବା ମନ୍ତବ୍ୟ ବର୍ତ୍ତମାନ ଖୁବ ଲାଇମ୍ ଲାଇଟ୍ରେ ରହିଛି । ଉଭୟ କିଛି ଦିନ ପାଇଁ କଥା ହେଉଥିବା ଇଶା ପ୍ରକାଶ କରିଛନ୍ତି । ହେଲେ ଏହା ଏକ ଲଭ୍ ରିଲେସନକୁ ପରିବର୍ତ୍ତିତ ହୋଇ ପାରିନଥିଲା । ଖୁବ କମ ଦିନ ଭିତରେ ଏହା ଭାଙ୍ଗିଯାଇଥିବା ଇଶା ପ୍ରକାଶ କରିଛନ୍ତି । କେବେଳ ଉଭୟଙ୍କ ଭିତରେ ବନ୍ଧୁତା ଥିଲା, ଉଭୟ ଚେଷ୍ଟା କରିଥିଲେ ସମ୍ପର୍କକୁ ଆଉ ପାଦେ ଆଗକୁ ନେବାକୁ ହେଲେ ତାହା ସମ୍ଭବ ହୋଇ ପାରିନଥିଲାବୋଲି ଇଶା ପ୍ରକାଶ କରିଛନ୍ତି । ସେହିଭଳି ସେହି ସମୟ ଭିତରେ ଉଭୟ ଖୁବ କମ ଦେଖା ହୋଇଥିବା ମଧ୍ୟ ଇଶା ପ୍ରକାଶ କରିଛନ୍ତି । ଉଭୟଙ୍କ ଭିତରେ କିଛି ଗୁଣ ଏଭଳି ଥିଲା ଯାହା ମିଶି ନଥିଲା ତେଣୁ ଏହି ସମ୍ପର୍କ ଆଗକୁ ଯାଇ ପାରିନଥିଲା । ତେବେ ବର୍ତ୍ତମାନ ୩୯ ବର୍ଷୀୟା ଇଶା ସିଙ୍ଗଲ ଅଛନ୍ତି । ସେହିଭଳି ହାର୍ଦ୍ଦିକ ପାଣ୍ଡ୍ୟାଙ୍କର ନିକଟରେ ବିବାହ ବିଚ୍ଛେଦ ହୋଇଛି ।
Comments are closed.