ଜେନେଲିଆ ଦେଶମୁଖ ବେଶ୍ କିଛିଦିନ ସ୍କ୍ରିନଠାରୁ ଦୂରେଇ ରହିଥିଲେ । ଏହାପରେ ତାଙ୍କୁ ନିକଟରେ ଆମିର ଖାନ୍ଙ୍କ ଫିଲ୍ମ ସିତାରେ ଜମିନ୍ ପରରେ ଦେଖିବାକୁ ମିଳିଥିଲା । ଏଥିରେ ତାଙ୍କର ଭୂମିକାକୁ ସମସ୍ତେ ଖୁବ ପସନ୍ଦ କରିଥିଲେ । ସୂଚନା ଅନୁସାରେ ଜେନେଲିଆଙ୍କୁ ଖୁବ ଜଲଦି ମସ୍ତି ୪ରେ କେମିଓ ରୋଲରେ ଦେଖିବାକୁ ମିଳିବ । ଏହି ଫିଲ୍ମରେ ରିତେଶ ଦେଶମୁଖଙ୍କ ସହିତ ସ୍କ୍ରିନ ସେୟାର କରିବେ ଜେନେଲିଆ । ଏହା ଜେନେଲିଆଙ୍କ ଫ୍ୟାନଙ୍କୁ ଖୁବ ପସନ୍ଦ ଆସିଛି । ବର୍ତ୍ତମାନ ଏହି ଫିଲ୍ମର ସୁଟିଂ ଜାରି ରହିଛି, ଯାହାର ଝଲକ ସୋସିଆଲ ମିଡିଆରେ ଭାଇରାଲ ହେଉଥିବା ଦେଖିବାକୁ ମିଳୁଛି । ଏହା ପୂର୍ବରୁ ମସ୍ତିର ପ୍ରଥମ ଭାଗରେ ଜେନେଲିଆଙ୍କୁ ରିତେଶଙ୍କ ସ୍ତ୍ରୀ ଭୂମିକାରେ ଦେଖିବାକୁ ମିଳିଥିଲା । ୨୦୧୬ରେ ଏହାର ତୃତୀୟ ଭାଗ ରିଲିଜ୍ ହୋଇଥିଲା । ସେହିଭଳି ସୂଚନା ଅନୁସାରେ ଏହି ଫିଲ୍ମଟି ଅନ୍ୟ ତିନୋଟି ଅପେକ୍ଷା ଖୁବ ଅଧିକ ରୋମାଞ୍ଚକର ହେବ ବୋଲି ଜଣା ପଡିଛି । ଫିଲ୍ମଟି ଆସନ୍ତା ବର୍ଷ ରିଲିଜ୍ ହେବ ବୋଲି ଜଣା ପଡିଛି ।
Comments are closed.