ନୂଆପଡ଼ା : କିନ୍ନରଙ୍କ ଅଭିନବ ଉପାୟରେ ସୁନା ଲୁଟ । ବଡ଼ ବୋହୂ ପ୍ରତି ଗ୍ରହମାନଙ୍କ ଅଶୁଭ ଦୃଷ୍ଟି ପଡ଼ିଛି । ଏହାର ପ୍ରତିକାର କଲେ ଶୁଭ ଫଳ ମିଳିବ ବୋଲି କହି ଘରେ ପଶି ବୋହୂ ବେକରୁ ଲୁଟି ନେଲେ ଲକ୍ଷାଧିକ ଟଙ୍କା ମୂଲ୍ୟର ସୁନା ଚେନ । ଏଭଳି ଅଭିଯୋଗ ଆସିଛି, ନୂଆପଡ଼ା ଜିଲ୍ଲା ଖଡ଼ିଆଳ ବ୍ଲକର ତୁକଲା ଗାଁରୁ। ବ୍ୟବସାୟୀ ରାଜକୁମାର ଖେମକା ଏନେଇ ଖଡ଼ିଆଳ ଥାନାରେ ଅଭିଯୋଗ କରିଛନ୍ତି ।
ଘଟନାନୁସାରେ,ରାଜ କୁମାର ଖେମକାଙ୍କ ବଡ଼ ବୋହୁ ସୋନିଆଙ୍କ ଦେହ ପ୍ରାୟ ସମୟରେ ଖରାପ ରହୁଥିଲା । ଗତକାଲି ଏକ ଧଳା କାରରେ ୩/୪ ଜଣ କିନ୍ନର ତାଙ୍କ ଘରକୁ। ଘରେ ଥିବା ମହିଳା ମାନଙ୍କଠାରୁ ଭିକ୍ଷା ବି ମାଗିଥିଲେ । ଏହି ସମୟରେ କିନ୍ନର ମାନେ ରାଜକୁମାରଙ୍କୁ କହିଥିଲେ ଆପଙ୍କ ବଡ଼ ବୋଉଙ୍କ ପ୍ରତି ଗ୍ରହ ମାନଙ୍କର ଅଶୁଭ ଦୃଷ୍ଟି ପଡିଛି । କିନ୍ନରଙ୍କ ଦ୍ବାରା ପ୍ରତିକାର କଲେଦେହ ଭଲ ହୋଇଯିବ ।
ଏହାପରେ କିନ୍ନର ମାନେ ଗୋଟିଏ ଢାଳରେ ପାଣି ମାଗି ବୋହୂକୁ ଛାଡି ସମସ୍ତେ ଘର ଭିତରକୁ ଯିବାକୁ କହିଥିଲେ। ସମସ୍ତେ ଘର ଭିତରକୁ ଚାଲିଯିବା ପରେ ଜଣେ କିନ୍ନର ବୋହୂ ବେକରୁ ଚେନ ଝାମ୍ପି ନେଇ କାରରେ ଚମ୍ପଟ ମାରିଥିଲେ । ଏନେଇ ବୋଉ ପରିବାର ଲୋକଙ୍କୁ ଜଣାଇବା ପରେ ରାଜକୁମାର ଖେମକା ଘଟଣା ସଂପର୍କରେ ଖଡ଼ିଆଳ ପୁଲିସରେ ଅଭିଯୋଗ କରିଥିଲେ । ପୁଲିସ CCTV ଫୁଟେଜ ଆଧାରରେ ପୁଲିସ ତଦନ୍ତ କରୁଥିବା ଜଣାପଡ଼ିଛି ।
Comments are closed.