ନୂଆଦିଲ୍ଲୀ : ମନି ଲଣ୍ଡରିଂ ମାମଲାରେ ଦିଲ୍ଲୀର ପୂର୍ବତନ ମନ୍ତ୍ରୀ ସତ୍ୟେନ୍ଦ୍ର ଜୈନଙ୍କୁ ଜାମିନ ମିଳିଛି। ସୁପ୍ରିମକୋର୍ଟ ସତ୍ୟେନ୍ଦ୍ର ଜୈନଙ୍କୁ ଅନ୍ତରୀଣ ଜାମିନ ପ୍ରଦାନ କରିଛନ୍ତି। ମେଡିକାଲ ଗ୍ରାଉଣ୍ଡରେ ସତ୍ୟେନ୍ଦ୍ରଙ୍କୁ ୬ ସପ୍ତାହ ଜାମିନ ମିଳିଛି। ଗତବର୍ଷ ମେ’ରୁ ଗିରଫ ହୋଇ ସତ୍ୟେନ୍ଦ୍ର ଜୈନ ଜେଲ୍ରେ ଅଛନ୍ତି।
ଗତକାଲି ତାଙ୍କ ସ୍ବାସ୍ଥ୍ୟାବସ୍ଥା ହଠାତ ବିଗିଡ଼ି ଯିବାରୁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା। ସତ୍ୟେନ୍ଦ୍ର ଜୈନ ଏବେ ଏଲ୍ଏନଜେପି (ଲୋକ ନାୟକ ଜୟପ୍ରକାଶ ନାରାୟଣ) ହସ୍ପିଟାଲ୍ ଆଇସିୟୁ ଏବଂ ଅକ୍ସିଜେନ ସପୋର୍ଟରେ ଥିବା ଜଣାପଡ଼ିଛି। ସୁପ୍ରିମକୋର୍ଟ ଆଜି ସର୍ତ୍ତ ଆଧାରରେ ସତ୍ୟେନ୍ଦ୍ର ଜୈନଙ୍କୁ ଅନ୍ତରୀଣ ଜାମିନ ଦେଇଛନ୍ତି। କୋର୍ଟ କହିଛନ୍ତି, ସତ୍ୟେନ୍ଦ୍ର ଜୈନ ବିନା ଅନୁମତିରେ ଦିଲ୍ଲୀ ଛାଡ଼ି ପାରିବେନି ଏବଂ ଗଣମାଧ୍ୟମ ଆଗରେ କୌଣସି ଟିପ୍ପଣୀ ରଖି ପାରିବେନି। ତେବେ ହସ୍ପିଟାଲରେ ସତ୍ୟେନ୍ଦ୍ର ଜୈନ ନିଜ ପସନ୍ଦରେ ଚିକିତ୍ସା ହୋଇପାରିବେ ବୋଲି ସୁପ୍ରିମକୋର୍ଟ ଅନୁମତି ପ୍ରଦାନ କରିଛନ୍ତି।
Comments are closed.