ଅଭିନୟକୁ ନେଇ ସବୁବେଳେ ଚର୍ଚ୍ଚାରେ ରହୁଥିବା ଦୀପିକା ପାଦୁକୋନ୍ ବର୍ତ୍ତମାନ ନିଜର ପ୍ରଯୋଜନାକୁ ନେଇ ଖୁବ ଚର୍ଚ୍ଚାରେ ରହିଛନ୍ତି । ଖୁବଶୀଘ୍ର ତାଙ୍କୁ ହଲିଉଡ ପ୍ରୋଜେକ୍ଟର ପ୍ରଯୋଜନା କରୁଥିବାର ଦେଖିବାକୁ ମିଳିବ, ଯାହାକୁ ନେଇ ସେ ଖୁବ ଉତ୍ସାହିତ ଅଛନ୍ତି ।
ଦୀପିକା ପାଦୁକୋନ୍ ବଲିଉଡର ଲେଡି ସୁପରଷ୍ଟାର୍ । କୌଣସି ବଲିଉଡ ବ୍ୟାକ୍ଗ୍ରାଉଣ୍ଡ ନଥାଇ ମଧ୍ୟ ନିଜ ପ୍ରତିଭା ବଳରେ ସେ ପାଲଟିଛନ୍ତି ବିଟାଉନର ଲେଡି ସୁପର ଷ୍ଟାର୍ । ତାଙ୍କ ଅଭିନୟକୁ ନେଇ ଅନେକ ସମୟରେ ଚର୍ଚ୍ଚା ହୋଇଥାଏ । କେବଳ ବଲିଉଡ ନୁହେଁ ସେ ହଲିଉଡରେ ମଧ୍ୟ ଖୁବ ଚର୍ଚ୍ଚିତ ଚେହେରା । ଅନେକ ଗ୍ଲୋବାଲ ଇଭେଣ୍ଟରେ ତାଙ୍କୁ ସବୁବେଳେ ଦେଖିବାକୁ ମିଳିଥାଏ । ବଲିଉଡ, ହଲିଉଡ ସହିତ ସାଉଥ ଷ୍ଟାରଙ୍କ ସହିତ ମଧ୍ୟ କାମ କରିଛନ୍ତି ଦୀପିକା । ଜଣେ ମଡେଲର ଭାବେ କ୍ୟାରିୟର ଆରମ୍ଭ କରିଥିବା ଦୀପିକା ଆଜି ନିଜର ପ୍ରତିଭା ପାଇଁ ସଫଳତାର ଶୀର୍ଷରେ ପହଞ୍ଚିଛନ୍ତି । ୨୦୦୫ରେ ଜଣେ ମଡେଲ ଭାବେ କ୍ୟାରିୟର ଆରମ୍ଭ କରିଥିଲେ ଦୀପିକା । ଏହାପରେ ଆଉ ପଛକୁ ଫେରି ନାହାନ୍ତି । ପ୍ରଥମ ଫିଲ୍ମରେ ଶାହରୁଖଙ୍କ ସହିତ ଓମ୍ ଶାନ୍ତି ଓମ୍ ରେ ନଜର ଆସିଥିଲେ ଦୀପିକା । ଯେଉଁଥିରେ ଦର୍ଶକ ତାଙ୍କୁ ଖୁବ ଭଲ ପାଇବା ଦେଇଥିଲେ । ସମସ୍ତେ ତାଙ୍କ ଅଭିନୟର ଖୁବ ପ୍ରଶଂସା କରିଥିଲେ । ତେବେ ଏହା ପୂର୍ବରୁ ଏଖ କନ୍ନଡ ଫିଲ୍ମରେ ମଧ୍ୟ ସେ ଅଭିନୟ କରିଥିଲେ । ହେଲେ ତାଙ୍କୁ ପରିଚୟ ଓମ୍ ଶାନ୍ତି ଓମରୁ ମିଳିଲା । ସମସ୍ତେ ତାଙ୍କୁ ଖୁବ ପସନ୍ଦ କରିଥିଲେ । ଏହାପରେ ସେ ନିଜ ଅଭିନୟକୁ ସୁଧାରିବାକୁ ଅନୁପମ ଖେରଙ୍କର ନାଟକ ଏକାଡମି ମଧ୍ୟ ଯୋଗ ଦେଇଥିଲେ । ସବୁବେଳେ ଅଭିନୟକୁ ଶିକ୍ଷାକରିବାକୁ ଆଗ୍ରହ ରଖୁଥିବା ଅଭିନେତ୍ରୀ ହେଉଛନ୍ତି ଦୀପିକା । ଏହାପରେ କ୍ୟାରିୟରରେ ଅନେକ ଫିଲ୍ମ ଜରିଆରେ ସେ ଦର୍ଶକଙ୍କ ମନୋରଞ୍ଜନ କରିଛନ୍ତି । ତାଙ୍କ ଫିଲ୍ମ ତାଲିକାରେ ବଚନା ଏ ହସିନୋ, ଚାନ୍ଦିନି ଚୌକ ଟି ଚାଇନା, ଲଭ୍ ଆଜ କଲ୍, କାର୍ତ୍ତିକ କଲିଂ କାର୍ତ୍ତିକ ଆଦି ସାମିଲ ରହିଛି । ତାଙ୍କୁ କିଛି ମ୍ୟୁଜିକ ଭିଡିଓରେ ମଧ୍ୟ ଦେଖିବାକୁ ମିଳିଛି, ଯାହାକୁ ଦର୍ଶକ ଖୁବ ଭଲ ପାଇବା ଦେଇଥିଲେ । କେବଳ ବଲିଉଡ ନୁହେଁ ତାଙ୍କୁ ହଲିଉଡ ପ୍ରୋଜେକ୍ଟ ତ୍ରିପଲ ଏକ୍ସରେ ମଧ୍ୟ ଦେଖିବାକୁ ମିଳିଥିଲା । ଆଗକୁ ଦୀପିକାଙ୍କର କିଛି ପ୍ରୋଜେକ୍ଟ ବାକି ରହିଛି । ଦୀପିକାଙ୍କର ସମସ୍ତ ଚରିତ୍ରକୁ ଦର୍ଶକ ସବୁବେଳେ ଭଲ ପାଇବା ଦେଇଥାଆନ୍ତି । ତାଙ୍କର ଆକସନ୍ ଓ ରୋମାନ୍ସ ଉଭୟ ଚରିତ୍ରକୁ ଦର୍ଶକ ଭଲ ପାଇବା ଦେଇଥାଆନ୍ତି । ସେହିପରି କ୍ୟାରିୟରରେ ବିଭିନ୍ନ ପ୍ରକାରର ଚରିତ୍ରରେ ଅଭିନୟ କରିବାକୁ ସବୁବେଳେ ସେ ଚେଷ୍ଟା କରନ୍ତି ବୋଲି ଅନେକ ସାକ୍ଷାତକାରରେ ପ୍ରକାଶ କରିଛନ୍ତି । ତେବେ ତାଙ୍କର ଏହି ଚେଷ୍ଟା ପାଇଁ ତାଙ୍କୁ ଭର୍ସାଟାଇଲର ଆଖ୍ୟା ମଧ୍ୟ ଦିଆଯାଇଛି ।
