ଶିବାଙ୍ଗୀ ଯୋସି ବର୍ତ୍ତମାନ ନିଜ ବ୍ରେକଅପ୍କୁ ନେଇ ଖୁବ ଚର୍ଚ୍ଚାରେ ରହିଛନ୍ତି । ଖୁବ କମ ବୟସରେ ଟେଲି ଦୁନିଆର ଆଗ ଧାଡିର ନାୟିକା ପାଲଟିଥିବା ଶିବାଙ୍ଗୀ ନିଜ ଠାରୁ ଖୁବ ବଡ ଷ୍ଟାରଙ୍କୁ ଡେଟ୍ କରି ଅନେକ ଦିନ ଚର୍ଚ୍ଚାରେ ଥିଲେ । ଟେଲି ନାୟିକା ଶିବାଙ୍ଗୀ ଓ କୁଶାଲ ଟଣ୍ଡନଙ୍କ ପ୍ରେମ ସମ୍ପର୍କ କାହାକୁ ଅଛପା ନଥିଲା । ଉଭୟ ଗତ ଦୁଇବର୍ଷ ଧରି ରିଲେସନ୍ସିପ୍ରେ ଥିଲେ । ହେଲେ ନିକଟରେ ହେଉଥିବା ଚର୍ଚ୍ଚା ଅନୁଯାୟୀ ଉଭୟଙ୍କ ଭିତରେ ବ୍ରେକଅପ ହୋଇଛି । ଉଭୟଙ୍କ ବୟସ ନେଇ ଅନେକ ସମୟରେ ଚର୍ଚ୍ଚା ହୋଇଥାଏ । କୁଶାଲ ଶିବାଙ୍ଗୀଙ୍କ ଠାରୁ ବୟସରେ ଖୁବ ଅଧିକ ବଡ । ତେବେ ଉଭୟଙ୍କ ଭିତରେ ବ୍ରେକଅପ୍ ହୋଇଥିବା ନେଇ ସୋସିଆଲ ମିଡିଆରେ ଚର୍ଚ୍ଚା ହେଉଛି । ଶିବାଙ୍ଗୀ ୨୦୧୩ରେ ନିଜର ଟେଲିଭିଜନ ଡେବ୍ୟୁ କରିଥିଲେ । ଏହି ବର୍ଷ ସେ ଖେଲତି ହେ ଜିନ୍ଦେଗୀ ଆଖ୍ମେ ଚୋଲିରେ ଡେବ୍ୟୁ କରିଥିଲେ । ଏହାପରେ ତାଙ୍କୁ ଗୋଟିଏ ଗୋଟିଏ ହିଟ୍ ସିରିଏଲରେ ଦେଖିବାକୁ ମିଳିଥିଲା । ନିଜର ନିଖୁଣ ଅଭିନୟ କାରଣରୁ ସମସ୍ତଙ୍କର ଖୁବ ପ୍ରିୟ ଅଭିନେତ୍ରୀ ପାଲଟିଥିଲେ । ତାଙ୍କୁ ଅନେକ ଟିଭି ଶୋ ଯେପରି ବେଗୁସରାଇ, ୟେ ହେ ଆସକି, ପ୍ୟାର ତୁନେ କ୍ୟା କିଆ, ବାଲିକା ବଧୁ ୨ ଆଦିରେ ଦେଖିବାକୁ ମିଳିଥିଲା । ତେବେ ତାଙ୍କ ଧାରାବାହିକ ୟେ ରିସ୍ତା କ୍ୟା କେହଲାତା ହେ ପାଇଁ ସେ ଖୁବ ଅଧିକ ଚର୍ଚ୍ଚା ସାଉଁଟିଥିଲେ । ଏହାର ନାଏରା ଚରିତ୍ର ତାଙ୍କୁ ଖୁବ ଲାଇମ୍ ଲାଇଟ୍ ଦେଇଥିଲା । ସେ ଏହି ଚରିତ୍ରଟି ତାଙ୍କୁ ଘରେଘରେ ପରିଚିତ କରାଇଥିଲା । କେବଳ ଧାରାବାହିକ ନୁହେଁ ତାଙ୍କୁ େଓ୍ୱବ୍ ସିରିଜ୍ ଓ ରିଆଲିଟି ଶୋରେ ମଧ୍ୟ ଦେଖିବାକୁ ମିଳିଥିଲା । ଏହି ସବୁରେ ତାଙ୍କ ଚରିତ୍ର ପାଇଁ ସେ ଖୁବ ପ୍ରଶଂସା ସାଉଁଟିଥିବା ଦେଖିବାକୁ ମିଳିଲା । ତାଙ୍କର ନିଖୁଣ ଅଭିନୟ ପାଇଁ ତାଙ୍କୁ ଅନେକ ପୁରସ୍କାରରେ ମଧ୍ୟ ସମ୍ମାନିତ କରାଯାଇଛି । ପ୍ରତିବର୍ଷ ତାଙ୍କର ଅନେକ ସିରିଏଲ୍ ଗୁଡିକ ବିଭିନ୍ନ ପୁରସ୍କାର ଦୌଡରେ ନୋମିନେସନ ହେଉଥିବାର ଦେଖିବାକୁ ମିଳିଥାଏ । ପୁନେରେ ଜନ୍ମିତ ଶିବାଙ୍ଗୀ ଖୁବ ଛୋଟ ଦିନୁ ଅଭିନୟ କରିବା ଆରମ୍ଭ କରିଥିଲେ । ତେବେ ତାଙ୍କର କେହି ଗଡ ଫାଦର ନଥିବାରୁ ତାଙ୍କୁ ଖୁବ ପରିଶ୍ରମ କରିବାକୁ ପଡିଥିଲା । ଅନେକ ଅଡିସନ ଦେବା ପରେ ତାଙ୍କୁ ଧାରାବାହିକରେ ଅଭିନୟ କରିବାର ସୁଯୋଗ ମିଳିଥିଲା, ଯାହାପରେ ଆଉ ପଛକୁ ଫେରି ଚାହିଁ ନାହାନ୍ତି ଶିବାଙ୍ଗୀ । ସେ ଖାଲି ଭଲ ଅଭିନୟ କରନ୍ତି ତାହା ନୁହେଁ ସେ ଜଣେ ଭଲ କଥକ ନୃତ୍ୟଶିଳ୍ପୀ ମଧ୍ୟ । ବିଶେଷଭାବେ ସେ ଏହି ନୃତ୍ୟର ପ୍ରଶିକ୍ଷଣ ମଧ୍ୟ ନେଇଛନ୍ତି । ତେବେ ଆଗକୁ ବଡ ପରଦାରେ ଅଭିନୟ କରିବାକୁ ଶିବାଙ୍ଗୀ ଆଶା ରଖିଥିବା ଅନେକ ସାକ୍ଷାତକାରରେ ପ୍ରକାଶ କରିଥାନ୍ତି । ସେହିଭଳି ଶିବାଙ୍ଗୀଙ୍କ ଫ୍ୟାନମାନେ ମଧ୍ୟ ତାଙ୍କୁ ବଡପରଦାରେ କିଛି ଭଲ ପ୍ରୋଜେକ୍ଟରେ ଦେଖିବାକୁ ଆଶା ରଖିଛନ୍ତି ।
Comments are closed.