ନିକଟରେ ମନଖୋଲି ଗଣମଧ୍ୟମରେ କଥା ହୋଇଛନ୍ତି ଅଭିନେତା ରାଜନୀଶ ଦୁଗଲ । ଏଥିରେ ସେ ଅନେକ କଥାକୁ ସମସ୍ତଙ୍କ ସାମନାରେ ପ୍ରକାଶ କରିଛନ୍ତି । ତେବେ କ୍ୟାରିୟର ପ୍ରଥମରୁ ତାଙ୍କୁ ବୋଲ୍ଡ ସିନ୍ ପସନ୍ଦ ନଥିଲା । ଯେଉଁ କାରଣରୁ ସେ କିଛି ପ୍ରୋଜେକ୍ଟ ମଧ୍ୟ ହାତ ଛଡା କରିଥିବା ପ୍ରକାଶ କରିଛନ୍ତି । ସୂଚନା ଅନୁସାରେ ସେ ମିଷ୍ଟର ଇଣ୍ଡିଆ ଟାଇଟଲ ଜିତିବା ପରେ ତାଙ୍କୁ ମଡରର ଅଫର ମିଳିଥିଲା । ହେଲେ ଏହା କରିବାକୁ ସେ ମନା କରିଥିଲେ, କାରଣ ଏଥିରେ ଏକ ବୋଲ୍ଡ କିସିଂ ସିନ୍ ଥିଲା । ହେଲେ ରାଜନୀଶ ସେତେବେଳେ ରିଲେସନ୍ସିପ୍ରେ ଥିଲେ । ସେ ଓ ତାଙ୍କ ପ୍ରେମିକା ନିଷ୍ପତ୍ତି ନେଇଥିଲେ କି ସେ କେବେ ବି ଫିଲ୍ମରେ କିସିଂ ସିନ କରିବେ ନାହିଁ । ତେଣୁ ସେ ମର୍ଡର ପାଇଁ ମନା କରିଦେଇଥିବା ରାଜନୀଶ ପ୍ରକାଶ କରିଛନ୍ତି । ଏହାପରେ ତାଙ୍କୁ ୫ ରୁ ୬ ବର୍ଷ ପରେ ମହେଶଭଟ୍ଟଙ୍କ ଫିଲ୍ମ ୧୯୨୦ରେ ଦେଖିବାକୁ ମିଳିଥିଲା । ସବୁବେଳେ ପରଦାରେ ନିଜର ସ୍ୱତନ୍ତ୍ର ଚରିତ୍ର ପାଇଁ ଖୁବ ଭଲ ପାଇବା ପାଇଥାଆନ୍ତି ରାଜନୀଶ । ଦର୍ଶକ ତାଙ୍କୁ ଅନେକ ଫିଲ୍ମରେ ଭଲ ପାଇବା ଦେଇଛନ୍ତି । ଆଗକୁ ମଧ୍ୟ ସେ ଦର୍ଶକଙ୍କ ଭଲଭଲ ଫିଲ୍ମ ଭେଟି ଦେବାକୁ ଇଚ୍ଛା ରଖିଛନ୍ତି ବୋଲି ଏହି ସାକ୍ଷାତକାରରେ ପ୍ରକାଶ କରିଛନ୍ତି ।
