ମୁଡ୍ ସୁଇଂ ବା ବାରମ୍ବାର ମନ ପରିବର୍ତ୍ତନ କାରଣରୁ ଅନେକ ସମୟରେ ସମସ୍ୟା ଦେଖାଦେଇଥାଏ । ଏହା ହେବା ଦ୍ୱାରା ଗୋଟିଏ ସମୟରେ ମନ ଭଲ ରହୁଥିବାବେଳେ ସଙ୍ଗେସଙ୍ଗେ ମନ ପୁଣି ଖରାପ ହୋଇଯାଇଥାଏ । ଏହି ସମୟରେ ମନର ସ୍ଥିତି ପରଖିବା କଷ୍ଟ ହୋଇପଡେ । ମହିଳାଙ୍କ କ୍ଷେତ୍ରରେ ଏହା ଋତୁସ୍ରାବ ପୂର୍ବରୁ ବେଶି ଦେଖିବାକୁ ମିଳିଥାଏ । ତେବେ ଦୈନନ୍ଦିନ ଜୀବନରେ କିଛି ପରିବର୍ତ୍ତନ କରିବା ଦ୍ୱାରା ଏଥିରୁ ମୁକ୍ତି ମିଳିପାରିବ ।
ଶୋଇବା ଠିକ ରଖନ୍ତୁ – ମୁଡ୍ ସୁଇଂର ସବୁଠାରୁ ପ୍ରମୁଖ କାରଣ ହେଲା ଶୋଇବା ସମୟରେ ଏପଟସେପଟ ହେବା । ସବୁବେଳେ ଚେଷ୍ଟା କରନ୍ତୁ କିଭଳି ୮ଘଣ୍ଟା ଶୋଇବେ । ସେହିଭଳି ଶୋଇବା ସମୟକୁ ମଧ୍ୟ ଜଗନ୍ତୁ । ଗୋଟିଏ ସମୟରେ ଶୋଇବାକୁ ଚେଷ୍ଟା କରନ୍ତୁ ।
ଷ୍ଟ୍ରେସ୍ ଫ୍ରି ରୁହନ୍ତୁ – ଶରୀରେ ବେଳେବେଳେ ହର୍ମୋନାଲ ଇନ୍ବାଲାନ୍ସ ଦେଖିବାକୁ ମିଳିଥାଏ, ଯେଉଁକାରଣରୁ ମୁଡ୍ ସୁଇଂ ହେବାର ଆଶଙ୍କା ବଢିଥାଏ । ତେଣୁ ଏହାକୁ ମ୍ୟାନେଜ୍ କରିବା ପାଇଁ ସବୁବେଳେ ଷ୍ଟ୍ରେସ୍ ଫ୍ରି ରୁହନ୍ତୁ । ଷ୍ଟ୍ରେସ୍ ଫ୍ରି ରହିବା ପାଇଁ ଯୋଗ, ବ୍ୟାୟାମ ଆଦିର ସାହାଯ୍ୟ ନେଇପାରିବେ ।
କଫି ପିଇବା କମାନ୍ତୁ – କଫିରେ ଥିବା କ୍ୟାଫେନ୍ ଆମ ଶରୀର ପାଇଁ ଭଲ ହୋଇନଥାଏ । ଏହା ମୁଡ୍ ସୁଇଂ କରାଇବାରେ ସାହାଯ୍ୟ କରିଥାଏ । ତେଣୁ କଫି ଠାରୁ ଦୂରେଇ ରୁହନ୍ତୁ । ସେହିଭଳି ଋତୁସ୍ରାବ ସମୟରେ ଯେତେପାରିବେ କଫିଠୁ ଦୂରରେ ରୁହନ୍ତୁ । ଏହା ସେହିସମୟରେ ଭଲ ହୋଇନଥାଏ । ସେହିଭଳି ଏହି ଦିନମାନଙ୍କରେ ପାଣି ଅଧିକ ପିଅନ୍ତୁ ।
ପୋଷଣର ଧ୍ୟାନ ରଖନ୍ତୁ – ଏହି ସମୟରେ ପୋଷଣର ଧ୍ୟାନ ରଖନ୍ତୁ । ଯେପରି ଖାଦ୍ୟରେ ସବୁପ୍ରକାରର ପୋଷକ ତତ୍ୱ ରହିବ ସେଥିପ୍ରତି ଧ୍ୟାନ ଦିଅନ୍ତୁ । ଭିଟାମିନ ଡି, କ୍ୟାଲସିୟମ, ମ୍ୟାଗ୍ନେସିଅମ ଆଦି ଅଧିକ ମାତ୍ରାରେ ଖାଆନ୍ତୁ । ଏହାଦ୍ୱାରା ଆପଣ ଫ୍ରେସ୍ ଓ ଆକଫିଭ ରହିବେ ।
Comments are closed.