ପିପିଲି : ବଜ୍ରାଘାତ ନେଲା ଚାଷୀଙ୍କ ଜୀବନ । ବିଲରେ କାମ କରୁଥିବା ସମୟରେ ବଜ୍ରାଘାତରେ ଶିକାର ହୋଇଛନ୍ତି । ପିପିଲି ବଳଙ୍ଗା ଥାନା ଅନ୍ତର୍ଗତ ପଦ୍ମପୁର ଗାଁରେ ଘଟିଛି ଏହି ଅଘଟଣ । ବଜ୍ରପାତରେ ପୁଅ ଜଗା ବାରିକଙ୍କ ମୃତ୍ୟୁ ହୋଇଥିବା ବେଳେ ବାପା ବାବୁଲା ବାରିକ ଗୁରୁତର ହୋଇଛନ୍ତି। ତାଙ୍କୁ ସାକ୍ଷୀଗୋପାଳ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି ହୋଇଛନ୍ତି ।
ସୂଚନାନୁସରେ,ଆଜି ସକାଳ ୯ ଟା ସମୟରେ ରାଜଧାନୀ ସମେତ ଆଖ ପାଖ ଅଞ୍ଚଳରେ ହଠାତ ଘୋଟି ଆସିଥିଲା କାଳବୈଶାଖୀ ଜନିତ ଝଡ଼ ବର୍ଷା । ପ୍ରାୟ ୪୦ ମିନିଟ ଧରି ତାଣ୍ଡବ ରଚିଥିଲା ବର୍ଷା । ପାଖାପାଖି ୫୦ କି.ମି. ବେଗରେ ପବନ ବୋହିବା ସହ ନିର୍ଦ୍ଧୁମ ଛେଚିଥିଲା ଘଡ଼ଘଡ଼ି ବର୍ଷା। ଭୁବନେଶ୍ୱର ସମେତ ଖୋର୍ଦ୍ଧା ଜିଲ୍ଲାକୁ ଆସନ୍ତା ୨ ଘଣ୍ଟା ପାଇଁ ଅରେଞ୍ଜ ଆଲର୍ଟ ଜାରି କରିଛି ପାଣିପାଗ ବିଭାଗ ।
Comments are closed.