ବିଗତ କିଛି ଦିନ ଧରି ପରେଶ ରାଓ୍ୱଲ ଫିଲ୍ମ ହେରାଫେରୀ ୩କୁ ନେଇ ଖୁବ ଚର୍ଚ୍ଚାରେ ଅଛନ୍ତି । ପରେଶ ଏହି ଫିଲ୍ମରେ ଅଭିନୟ କରିବେ ନାହିଁ ବୋଲି କହିବା ପରେ ବିବାଦ ଦେଖିବାକୁ ମିଳିଥିଲା । ଏପରିକି କଥା କୋର୍ଟକୁ ମଧ୍ୟ ଯାଇଥିଲା । ଏପରଟେ ଫ୍ୟାନ୍ମାନେ ଏହି ଖବରକୁ ସହଜରେ ଗ୍ରହଣ କରିପାରିନଥିଲେ । ପରେଶଙ୍କ ବିନା ହେରାଫେରୀ ୩ର ମଜା ଆସିବ ନାହିଁ ବୋଲି ଦର୍ଶକ ମତ ଦେବାରେ ଲାଗିଥିଲେ । ହେଲେ ବର୍ତ୍ତମାନ ଏହି ବିବାଦର ଅନ୍ତ ଘଟିଛି । ପରେଶ ରାଓ୍ୱଲ ବର୍ତ୍ତମାନ ଏହି ଫିଲ୍ମରେ ନଜର ଆସିବେ ବୋଲି ସୂଚନା ମିଳିଛି । ଦର୍ଶକଙ୍କ ପ୍ରତି ଥିବା ତାଙ୍କର କର୍ତ୍ତବ୍ୟ ପାଇଁ ସେ ଏହି ଫିଲ୍ମକୁ ଫେରିଥିବା ପରେଶ ମତ ଦେଇଛନ୍ତି । ତେବେ ପରେଶଙ୍କର ପୁଣି ଫିଲ୍ମରେ ଯୋଗଦେବା ଦର୍ଶକଙ୍କୁ ଖୁବ ଖୁସି ଦେଇଛି । ସମସ୍ତେ ବର୍ତ୍ତମାନ ଫିଲ୍ମର ତିନି ଯୋଡି ବାବୁରାଓ, ରାଜୁ ଓ ଶ୍ୟାମଙ୍କୁ ଦେଖିବାକୁ ଉତ୍ସାହିତ ଥିବା ସୋସିଆଲ ମିଡିଆରେ ଦେଖିବାକୁ ମିଳିଛି । ପୂର୍ବରୁ ହେରାଫେରିର ସମସ୍ତ ପାର୍ଟକୁ ଦର୍ଶକ ଖୁବ ଭଲପାଇବା ଦେଇଛନ୍ତି । ବିଶେଷଭାବେ ଅକ୍ଷୟ କୁମାର, ପରେଶ ରାଓ୍ୱଲ ଓ ସୁନୀଲ ସେଟ୍ଟୀଙ୍କୁ ଦର୍ଶକ ଖୁବ ଭଲ ପାଇବା ଦେଇ ଆସିଛନ୍ତି । ଫିଲ୍ମ ସିରିଜ୍ଟି ବଲିଉଡର ବ୍ଲକ୍ବଷ୍ଟର ଫିଲ୍ମଙ୍କ ଭିତରୁ ଗୋଟିଏ । ପୂର୍ବ ଭାଗ ଭଳି ତୃତୀୟ ଭାଗକୁ ମଧ୍ୟ ଦର୍ଶକ ହିଟ୍ କରାଇବେ ବୋଲି ମେକର୍ସ ଆଶା ରଖିଛନ୍ତି ।
Comments are closed.