ପୁନେ : ମହାରାଷ୍ଟ୍ରର ପୁନେରେ ସେକ୍ସ ରାକେଟ୍ ଚାଲୁଥିବା ନେଇ ସୂଚନା ପାଇବା ପରେ ପିମ୍ପ୍ରି-ଚିଞ୍ଚୱାଡ ପୁଲିସ ଏକ ପଞ୍ଚତାରକା ହୋଟେଲ ଉପରେ ଚଢ଼ଉ କରି ଜଣେ ଏଜେଣ୍ଟକୁ ଗିରଫ କରିବା ସହ ଦୁଇଜଣ ମହିଳାଙ୍କୁ ଉଦ୍ଧାର କରିଛି। ଏକ ସୂଚନାକୁ ଭିତ୍ତିକରି ପିମ୍ପ୍ରି-ଚିଞ୍ଚୱାଡ ପୁଲିସର କ୍ରାଇମ୍ବ୍ରାଞ୍ଚ ପକ୍ଷରୁ ଉକ୍ତ ହୋଟେଲକୁ ଜଣେ ନକଲି ଗ୍ରାହକଙ୍କୁ ପଠାଯାଇଥିଲା। ଉକ୍ତ ନକଲି ଗ୍ରାହକ ହୋଟେଲରେ ଦେହ ବ୍ୟବସାୟ ଚାଲିଥିବା ନେଇ ସ୍ପଷ୍ଟ ସୂଚନା ଦେବା ପରେ ପୁଲିସ ଇନ୍ସପେକ୍ଟର ଦେବେନ୍ଦ୍ର ଚୱାନଙ୍କ ନେତୃତ୍ବରେ ପୁଲିସ ଦଳ ଚଢ଼ଉ କରିଥିଲେ। ପୁଲିସ ହୋଟେଲ ରୁମ୍ରୁ ଦୁଇଜଣ ମହିଳାଙ୍କୁ ଉଦ୍ଧାର କରିବା ସହ ଜଣେ ସେକ୍ସ ଦଲାଲକୁ ଗିରଫ କରି ତା’ ନାମରେ ୱାକଡ଼ ଥାନାରେ ୩୭୦(୩) ଓ ୩୪ ଧାରାରେ ମାମଲା ରୁଜୁ କରିଛି। ଉକ୍ତ ଦୁଇଜଣ ମହିଳାଙ୍କ ମଧ୍ୟରୁ ଜଣେ ଭୋଜପୁରୀ ଫିଲ୍ମ ଅଭିନେତ୍ରୀ ହୋଇଥିବା ବେଳେ ଅନ୍ୟ ଜଣକ ହେଉଛନ୍ତି ଜଣେ ମଡେଲ। ଏହା ଉପରେ ଅଧିକ ତଦନ୍ତ ଚାଲିଥିବା ପୁଲିସ ସୂଚନା ଦେଇଛି।
Comments are closed.