ୱାସିଂଟନ୍: ୟୁକ୍ରେନରେ ଯୁଦ୍ଧ ବନ୍ଦ ନେଇ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ତାଙ୍କ ରୁଷ୍ ପ୍ରତିପକ୍ଷ ଭ୍ଲାଦିମିର ପୁଟିନଙ୍କ ସହ କଥା ହେବାର ଦିନକ ପରେ ଆଜି ୟୁକ୍ରେନ ରାଷ୍ଟ୍ରପତି ବୋଲଡିମିର ଜେଲେନସ୍କିଙ୍କ ସହ କଥା ହୋଇଛନ୍ତି। ରାଷ୍ଟ୍ରପତି ଟ୍ରମ୍ପ୍ ଏନେଇ ତାଙ୍କ ଟ୍ରୁଥ୍ ସୋସିଆଲ ମିଡିଆ ଆକାଉଣ୍ଟ୍ରେ ଏକ ପୋଷ୍ଟ୍ କରି କହିଛନ୍ତି ଯେ ଜେଲେନସ୍କିଙ୍କ ସହ ଟେଲିଫୋନ୍ରେ ଯୁଦ୍ଧବିରତି ନେଇ ଅତ୍ୟନ୍ତ ଭଲ କଥାବାର୍ତ୍ତା ହୋଇଛି । ଏସଂକ୍ରାନ୍ତରେ ବିଦେଶ ସଚିବ ମାର୍କୋ ରୁବିଓ ଏବଂ ଜାତୀୟ ସୁରକ୍ଷା ଉପଦେଷ୍ଟା ବିସ୍ତୃତ ସୂଚନା ଦେବେ ବୋଲି ସେ କହିଛନ୍ତି। ଉଲ୍ଳେଖଯୋଗ୍ୟ ଯେ ରୁଷ୍ ରାଷ୍ଟ୍ରପତି ପୁଟିନ ଗତକାଲି ୟୁକ୍ରେନର ଶକ୍ତି ପ୍ରତିଷ୍ଠାନ ଉପରେ ଅସ୍ଥାୟୀ ଭାବେ ୩୦ ଦିନ ପାଇଁ ଆକ୍ରମଣ ବନ୍ଦ କରିବାକୁ ରାଜି ହୋଇଥିଲେ।
Comments are closed.