ଚଣ୍ଡିଗଡ଼: ମଇ ୯ ତାରିଖ ରାତିରେ ଭାରତର ବାୟୁସୀମା ଉଲ୍ଲଂଘନ କରିବାକୁ ପାକିସ୍ତାନ ଯଥାସମ୍ଭବ ଉଦ୍ୟମ କରି ବିଫଳ ହୋଇଥିଲା। ଏହି ସମୟରେ ପାକିସ୍ତାନର ଏକ ଡ୍ରୋନ୍ର ଆକ୍ରମଣରେ ପଞ୍ଜାବ ଖାଇ ଫେମେକେ ଗାଁର ସୁଖବିନ୍ଦର କୌରଙ୍କ ଘର ଓ କାର୍ କ୍ଷତିଗ୍ରସ୍ତ ହୋଇଥିଲା। ସୁଖବିନ୍ଦର ମଧ୍ୟ ଗୁରୁତର ଆହତ ହୋଇଥିଲେ। ଗତକାଲି ସୁଖବିନ୍ଦରଙ୍କ ଚିକିତ୍ସାଧୀନ ଅବସ୍ଥାନରେ ଦେହାନ୍ତ ଘଟିଛି। ସରକାରୀ ସୂତ୍ରରୁ ମିଳିଥିବା ସୂଚନାରେ, ଡ୍ରୋନ୍ ଆକ୍ରମଣ ଜନିତ ବିସ୍ଫୋରଣରେ ସୁଖବିନ୍ଦର (୫୦) , ତାଙ୍କ ପତି ଲଖବିନ୍ଦର ସିଂହ (୫୫)ଓ ପୁଅ ମୋନୁ ସିଂହ (୨୪) ଗୁରୁତର ଭାବେ ପୋଡ଼ିଯାଇଥିଲେ। ମଙ୍ଗଳବାର ସୁଖବିନ୍ଦରଙ୍କ ମୃ୍ତ୍ୟୁଘଟିଛି। ଆହତ ଲଖବିନ୍ଦର ଓ ମୋନୁ ବର୍ତ୍ତମାନ ମଧ୍ୟ ଚିକିତ୍ସିତ ହେଉଛନ୍ତି। ପଞ୍ଜାବ ମୁଖ୍ୟମନ୍ତ୍ରୀ ଭଗବନ୍ତ ମାନ୍ ସୁଖବିନ୍ଦରଙ୍କ ମୃତ୍ୟୁରେ ଶୋକବ୍ୟକ୍ତ କରିବା ସହ ୫ ଲକ୍ଷ ଟଙ୍କା ଅନୁକମ୍ପାମୂଳକ ସହାୟତା ରାଶି ଘୋଷଣା କରିଛନ୍ତି।
Comments are closed.