ପରିବାର ସହ ‘ଦି କେରଳ ଷ୍ଟୋରି’ ଦେଖିଲେ କେନ୍ଦ୍ର ମନ୍ତ୍ରୀ ପ୍ରହ୍ଲାଦ ଯୋଶୀ

ନୂଆଦିଲ୍ଲୀ : କେନ୍ଦ୍ର ମନ୍ତ୍ରୀ ପ୍ରହ୍ଲାଦ ଯୋଶୀ ଆଜି ତାଙ୍କ ପୂରା ପରିବାର ସଦସ୍ୟଙ୍କ ସହ ‘ଦି କେରଳ ଷ୍ଟୋରି’ ଫିଲ୍ମ ଦେଖିଛନ୍ତି। ହୁବେଳିରେ ମନ୍ତ୍ରୀ ଆଜି ଏହିତ ଫିଲ୍ମ ଦେଖିଛନ୍ତି। ଅନ୍ୟପକ୍ଷେ ମଧ୍ୟପ୍ରଦେଶ ପରେ ଉତ୍ତରପ୍ରଦେଶରେ ବି ‘ଦି କେରଳ ଷ୍ଟୋରି’ ଟିକସ ମୁକ୍ତ କରାଯିବ। ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଆଜି ଏହି ଘୋଷଣା କରିଛନ୍ତି । ମୁଖ୍ୟମନ୍ତ୍ରୀ ଯୋଗୀ ଏବଂ ତାଙ୍କ ପୂରା ମନ୍ତ୍ରିମଣ୍ଡଳ ଏହି ଚଳଚ୍ଚିତ୍ରର ସ୍ପେସାଲ ସ୍କ୍ରିନିଂ ଦେଖିବେ। ଉଲ୍ଲେଖଯୋଗ୍ୟ ଯେ ମେ’ ୬ ତାରିଖରେ ମଧ୍ୟପ୍ରଦେଶ ସରକାର ଏହି ଫିଲ୍ମକୁ ଟିକସମୁକ୍ତ ଘୋଷଣା କରିଥିଲେ। ଉତ୍ତରାଖଣ୍ଡ ସରକାର ବି ରାଜ୍ୟରେ ଫିଲ୍ମକୁ ଟିକସମୁକ୍ତ ଘୋଷଣା କରିପାରନ୍ତି। ଉଲ୍ଲେଖଯୋଗ୍ୟ ଯେ କେରଳ ଷ୍ଟୋରିକୁ ନେଇ ବିବାଦ ଜାରି ରହିଥିବାବେଳେ ଏହି ବିବାଦ ମଧ୍ୟରେ ବିଭିନ୍ନ ରାଜ୍ୟମାନେ କେରଳ ଷ୍ଟୋରିକୁ ଟିକସମୁକ୍ତ ଘୋଷଣା କରିଛନ୍ତି।