ଯାଜପୁର : ବେଆଇନ କଳାପଥର ଖନନ ବେଳେ ଅଘଟଣ I ଯାଜପୁର ଜିଲ୍ଲା ଚଢେଇଧରା ଅଞ୍ଚଳରେ ଥିବା ପଥର ଖାଦାନରୁ ଖସି ପଡି ଜଣେ ଶିଶୁ ଶ୍ରମିକଙ୍କ ସମେତ ୨ଜଣ ଶ୍ରମିକଙ୍କ ପ୍ରାଣହାନୀ ଘଟିଛି ।
ମିଳିଥିବା ସୂଚନା ଅନୁଯାୟୀ,ଗତକାଲି ବିଳମ୍ବିତ ରାତିରେ ରଙ୍ଗା, ଗଙ୍ଗା ଲୁଣିବର କଳା ପଥର ଖାଦାନରେ ଏକ ମେସିନ ସାହାଯ୍ୟରେ ଖନନ ହେଉଥିବା ବେଳେ ମେସିନ ସହ ତଳକୁ ଖସିପଡିଥିଲେ ୨ ଶ୍ରମିକ I ଘଟଣା ସ୍ଥଳରେ ୨ ଜଣଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଜଣଙ୍କୁ ଗୁରୁତର ଅବସ୍ଥାରେ କଟକ ମେଡ଼ିକାଲକୁ ସ୍ଥାନାନ୍ତର କରାଯାଇଥିଲା। ସେମାନଙ୍କ ମଧ୍ୟରୁ ଜଣେ ମେସିନ ଅପରେଟର ଓ ହେଲପର ଅଛନ୍ତି ଏବଂ ଏକ ଶିଶୁ ଶ୍ରମିକ ଆହତ ହୋଇଥିଲେ। ତାକୁ ଗୁରୁତର ଅବସ୍ଥାରେ କଟକ ବଡ଼ ଡ଼ାକ୍ତରଖାନାରେ ଭର୍ତ୍ତି କରାଯାଇଥିଲା। ଚିକିତ୍ସିତ ଅବସ୍ଥାରେ ସେ ମୃତ୍ୟୁବରଣ କରିଛନ୍ତି।
ଶିଶୁ ଶ୍ରମିକଙ୍କର ନାମ ଅପୁ ରାଉତ ବୋଲି ଜଣାଯାଇଛି। ତାଙ୍କର ବୟସ ୧୬ ବର୍ଷ। ସେ ଯାଜପୁର ଜିଲ୍ଲା ଧର୍ମଶାଳା ବ୍ଲକ୍ ଗେଙ୍ଗୁଟିଆ ଗାଁର ଗୁରିଆ ରାଉତଙ୍କ ପୁଅ। ଏମାନେ ବିନା ଲିଜ୍ କଳା ପଥର ଖାଦାନରେ କାମ କରୁଥିବା ଜଣାଯାଇଛି।
Comments are closed.