ପାଟନା: ପୂର୍ବତନ ବିହାର ମନ୍ତ୍ରୀ ତଥା ରାଷ୍ଟ୍ରୀୟ ଜନତା ଦଳ (ଆର୍ଜେଡି) ବିଧାୟକ ତେଜ ପ୍ରତାପ ଯାଦବ ଦଳରୁ ବହିଷ୍କୃତ ହେବାର କିଛି ଦିନ ପରେ ମହୁଆରେ ଏକ ରୢାଲି କରିଛନ୍ତି। ଏକ ନୂ୍ଆ ବ୍ୟାନର ଅଧୀନରେ ତେଜପ୍ରତାପ ଏହି ରୢାଲି କରିଛନ୍ତି। ଏହା ସୂଚାଉଛି ଯେ ତେଜପ୍ରତାପ ଆଗାମୀ ବିଧାନସଭା ନିର୍ବାଚନ ଏକାକୀ ଲଢ଼ିବେ । ଆର୍ଜେଡିରୁ ବିଦା ହେବାପରେ ତେଜପ୍ରତାପ ତାଙ୍କ ପ୍ରଥମ ରୢାଲି କରିଛନ୍ତି। ଏହି ରୢାଲିରେ ତେଜପ୍ରତାପ ଏବଂ ତାଙ୍କ ସମର୍ଥକମାନେ ଏକ ସବୁଜ ଓ ଧଳା ରଙ୍ଗର ପତାକା ଧରିଛନ୍ତି। ଏଥିରେ ‘ଟିମ୍ ତେଜ ପ୍ରତାପ ଯାଦବ’ ଲେଖା ଅଛି। ତେଜପ୍ରତାପ ନିଜର ପୂବତନ ନିର୍ବାଚନ ମଣ୍ଡଳୀରେ ଏକ ରୋଡ୍ସୋର ନେତୃତ୍ବ ନେବା ସମୟରେ ସେ ମୁଣ୍ଡରେ ଏକ ସବୁଜ କ୍ୟାପ୍ ପିନ୍ଧିଛନ୍ତି। ରୢାଲିରେ ତେଜ ପ୍ରତାପ ଘୋଷଣା କରିଛନ୍ତି ଯେ ସେ କାହାର ନିୟନ୍ତ୍ରଣରେ ରହିବେନାହିଁ ଏବଂ ଲୋକଙ୍କ ନିଷ୍ପତ୍ତି ଆଧାରରେ ପରବର୍ତ୍ତୀ ପଦକ୍ଷେପ ଗ୍ରହଣ କରିବେ। ତେଜ ପ୍ରତାପ କହିଛନ୍ତି, ଲୋକମାନଙ୍କ ଇଚ୍ଛା ଅଧୀନରେ ମୁଁ ରହିଛି। ଲୋକମାନେ ଯାହା ଚାହିବେ ତାହା ମୁଁ କରିବି। ଲୋକମାନେ ଯେଉଁଠାରୁ ଦାବି କରିବେ ମୁଁ ସେଠାରେ ନିର୍ବାଚନ ଲଢ଼ିବି।
Comments are closed.