ସନ୍ ଅଫ ସର୍ଦ୍ଦାର ୨ରେ ଏକ ନୂଆ ମୁହଁକୁ ନେଇ ବର୍ତ୍ତମାନ ଚାରିଆଡେ ଚର୍ଚ୍ଚା ଜୋର ଧରିଛି । ଏହି ଅଭିନେତ୍ରୀ ଜଣଙ୍କ ହେଉଛନ୍ତି ରୋସନି ୱାଲିଆ । ସେ କେବଳ ଜଣେ ଅଭିନେତ୍ରୀ ନୁହନ୍ତି ବରଂ ଜଣେ ଖୁବ ପପୁଲାର ସୋସିଆଲ ମିଡିଆ ପର୍ସନାଲିଟି । ସାତବର୍ଷରୁ ସେ ନିଜର ଅଭିନୟ କ୍ୟାରିୟର ଆରମ୍ଭ ଜଣେ ଶିଶୁ କଳାକାର ଭାବେ କରିଥିଲେ । ତାଙ୍କୁ ୨୦୧୦ରେ ଏକ ଟିଭି ବିଜ୍ଞାପନରେ ପ୍ରଥମଥର ପାଇଁ ଦେଖିବାକୁ ମିଳିଥିଲା । ଏହାପରେ ତାଙ୍କୁ ୨୦୧୨ରେ ଟିଭି ସିରିଏଲ ମେ ଲକ୍ଷ୍ମୀ ତେରେ ଆଙ୍ଗନମେ ରେ ଦର୍ଶକ ଦେଖିଥିଲେ । ଏହାପରେ ଗୋଟିଏ ପରେ ଗୋଟିଏ ଟେଲି ଶୋରେ ଦର୍ଶକ ତାଙ୍କୁ ଦେଖିଥିଲେ ଓ ପସନ୍ଦ ମଧ୍ୟ କରିଥିଲେ । ଏହାସହିତ ତାଙ୍କୁ କିଛି ଫିଲ୍ମରେ ମଧ୍ୟ ଦେଖିବାକୁ ମିଳିଥିଲା । ବର୍ତ୍ତମାନ ସେ ନିଜ ଫିଲ୍ମ ସନ୍ ଅଫ ସର୍ଦ୍ଦାର ୨କୁ ନେଇ ଚର୍ଚ୍ଚାରେ ଅଛନ୍ତି । ଏଥିରେ ସେ ଅଜୟ ଦେବଗନ ଓ ମୃନାଳ ଠାକୁରଙ୍କ ସହିତ ସ୍କ୍ରିନ ସେୟାର କରିଛନ୍ତି ।
