ଖୁବ କମ୍ ଅଭିନେତ୍ରୀ ଅଛନ୍ତି ଯେଉଁମାନେ ନିର୍ଦ୍ଦେଶନାରୁ ନିଜ କ୍ୟାରିୟର ଆରମ୍ଭ କରିଛନ୍ତି । ସେଥିମଧ୍ୟରୁ ସରବରୀ ଓ୍ୱାଗ୍ ଭିନ୍ନ । ସେ ନିଜର ପରିଶ୍ରମ ଓ ବଳିଷ୍ଟ ଅଭିନୟ ପାଇଁ ବର୍ତ୍ତମାନ ବି ଟାଉନ୍ରେ ଏକ ସ୍ୱତନ୍ତ୍ରସ୍ଥାନ ତିଆରି କରିବାରେ ସକ୍ଷମ ହୋଇପାରିଛନ୍ତି ।
୨୦୧୫ରେ ସହଯୋଗୀ ନିର୍ଦ୍ଦେଶକ ଭାବେ ନିଜ କ୍ୟାରିୟର ଆରମ୍ଭ କରନ୍ତି ସରବରୀ ଓ୍ୱାଗ୍ । ସଞ୍ଜୟ ଲିଲା ଭଂସାଲୀଙ୍କ ସହିତ ସହଯୋଗୀ ଭାବେ ନିଜର କ୍ୟାରିୟର ଆରମ୍ଭ କରନ୍ତି ସେ, ଯାହା ତାଙ୍କୁ ଆଗକୁ ଖୁବ ସହାୟତା କରିଥାଏ । ନିଜର ବଲିଉଡ ଡେବ୍ୟୁ ପୂର୍ବରୁ ନିର୍ଦ୍ଦେଶକ ଭାବେ କାମ କରିବା ତାଙ୍କ କ୍ୟାରିୟରକୁ ମାଇଲେଜ୍ ଦେଇଥିବା ସେ ସବୁବେଳେ ପ୍ରକାଶ କରନ୍ତି । ସେ ଏହି ଜର୍ଣ୍ଣିରୁ ଅନେକ କିଛି ଶିଖିଥିଲେ ଯାହାକୁ ସେ ପରେ ଅଭିନୟରେ ବ୍ୟବହାର କରିଥିଲେ । ସିଧାସଳଖ ଭାବେ ସେ ୨୦୨୦ ମସିହାରେ ଦର୍ଶକଙ୍କୁ ପାଖକୁ ଆସିଥିଲେ । କବୀର ଖାନ୍ଙ୍କର ଓ୍ୱାର ଡ୍ରାମା ସିରିଜ୍ ଦି ଫର୍ଗଟେନ୍ ଆର୍ମି – ଆଜାଦି କେ ଲିଏରେ ସେ ବି ଟାଉନ୍ ଡେବ୍ୟୁ କରିଛନ୍ତି । ଏହାପରେ ୨୦୨୧ରେ ତାଙ୍କୁ ବଣ୍ଟି ଓର ବବଲି ଫିଲ୍ମରେ ମଧ୍ୟ ଦେଖିବାକୁ ମିଳିଥିଲା । ଏଥିପାଇଁ ତାଙ୍କୁ ଫିଲ୍ମ ଫେୟାରରୁ ବେଷ୍ଟ ଫିମେଲ ଡେବ୍ୟୁ ଆଓ୍ୱାର୍ଡ ମଧ୍ୟ ମିଳିଥିଲା । ତେବେ ବର୍ତ୍ତମାନ ତାଙ୍କର ଆସିଥିବା କର୍ମସିଆଲ ମୁଭି ମୁଞ୍ଜୟା ପାଇଁ ସେ ଖୁବ ଚର୍ଚ୍ଚା ସାଉଁଟୁଛନ୍ତି । ୧୯୯୭ରେ ମୁମ୍ବାଇରେ ଜନ୍ମିତ ସରବରୀ ନିଜର ପାଠପଢା ମୁମ୍ବାଇରେ ସାରିଥିଲେ । ସେ ପ୍ରଥମେ ପ୍ୟାର କି ପଞ୍ଚନାମା ୨, ବାଜିରାଓ ମସ୍ତାନୀ ଭଳି ଫିଲ୍ମରେ ସହଯୋଗୀ ନିର୍ଦ୍ଦେଶକ ଭାବେ କାର୍ଯ୍ୟ ମଧ୍ୟ କରିସାରିଛନ୍ତି । ତେବେ କେବଳ ମୁଞ୍ଜୟା ନୁହେଁ ତାଙ୍କୁ ୨୦୨୪ରେ ମହାରାଜା, ଭେଦା ଆଦି ପ୍ରୋଜେକ୍ଟରେ ମଧ୍ୟ ଦେଖିବାକୁ ମିଳିଛି । ଆଗକୁ ତାଙ୍କର ଆଉ ଏକ ପ୍ରୋଜେକ୍ଟ ଆସିବାକୁ ବାକି ଅଛି ଯାହାର ନାଁ ହେଲା ଆଲଫା । ଏହାର ସୁଟିଂ ବର୍ତ୍ତମାନ ଜାରି ରହିଛି । ପିଲାଦିନୁ ନୃତ୍ୟ ଓ ଅଭିନୟ ପ୍ରତି ଥିବା ଦୂର୍ବଳତା ତାଙ୍କୁ ଆଜି ଏତେ ସଫଳ କରିଛି ବୋଲି ସର୍ବଦା ସରବରୀ ମତ ଦେଇଥାଆନ୍ତି । ଆଗକୁ ସେ ନିଜ ଦର୍ଶକଙ୍କୁ ଖୁବ ଭଲଭଲ ଫିଲ୍ମ ଭେଟି ଦେବେ ବୋଲି ଆଶା ରଖିଛନ୍ତି । ତାଙ୍କର ଅଜା ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ମନୋହର ଜୋସି ଅଟନ୍ତି । ରାଜନୀତି ପରିବାରରୁ ଆସି ମଧ୍ୟ ଅଭିନୟ ପାଇଁ ଥିବା ଦୁର୍ବଳତା ତାଙ୍କୁ ଏଥିରେ କ୍ୟାରିୟର କରିବାକୁ ପ୍ରବର୍ତ୍ତାଇଥିବା ସେ ଅନେକ ସମୟରେ ସାକ୍ଷାତକାରରେ ପ୍ରକାଶ କରିଛନ୍ତି ।
Comments are closed.