ନାଗପୁର: ନାଗପୁରରେ ଏକ ସ୍କୁଲ ବସ୍ ଓଲଟି ପଡ଼ିବା ଫଳରେ ଜଣେ ଛାତ୍ରଙ୍କ ମୃତ୍ୟୁ ଘଟିଛି ଓ ୫୦ଜଣ ଆହତ ହୋଇଛନ୍ତି। ଦେବ୍ରି ପିଣ୍ଡାରୀ ଗାଁ ନିକଟରେ ଏହି ଦୁର୍ଘଟଣା ଘଟିଥିଲା। ଶଙ୍କରନଗର ସରସ୍ବତୀ ବିଦ୍ୟାଳୟର ୫୨ଜଣ ଛାତ୍ର ପିକ୍ନିକ୍ ନିମନ୍ତେ ୱାର୍ଧା ସ୍ଥିତ ସେଲୋ ଯାଉଥିଲେ। ତେବେ ଭାରସାମ୍ୟ ହରାଇ ବସ୍ଟି ରାସ୍ତକଡ଼କୁ ଓଲଟି ପଡ଼ିଥିଲା। ୪୬ଜଣ ଛାତ୍ରଙ୍କୁ ଉଦ୍ଧାର କରାଯାଇ ନାଗପୁର ଏମ୍ସରେ ଭର୍ତ୍ତି କରାଯାଇଛି। ଦୁଇଜଣଙ୍କ ପ୍ରାଥମିକ ଚିକିତ୍ସା ପରେ ଛାଡ଼ିଦିଆଯାଇଛି। ୪ଜଣଙ୍କୁ ସିଲୋ ପ୍ରାଥମିକ ଚିକିତ୍ସାକେନ୍ଦ୍ରରେ ଭର୍ତ୍ତି କରାଯାଇଛି। ଜଣେ ୧୫ ବର୍ଷୀୟ ଛାତ୍ରଙ୍କ ମୃତ୍ୟୁ ଘଟିଛି ବୋଲି ହିଙ୍ଗନା ପୁଲିସ ଥାନାର ଅଧିକାରୀ କହିଛନ୍ତି। ଦୁର୍ଘଟଣାର ପ୍ରକୃତ କାରଣ ଜଣାପଡ଼ିନାହିଁ। ଏନେଇ ଏକ ମାମଲା ରୁଜୁ କରାଯାଇ ତଦନ୍ତ କରାଯାଉଛି ।
Comments are closed.