ନୂଆଦିଲ୍ଲୀ : ଦିଲ୍ଲୀର ଏକ ପଞ୍ଚତାରକା ହୋଟେଲରେ ଦୀର୍ଘ ୨ ବର୍ଷ ଧରି ରହିଥିବା ଜଣେ ବ୍ୟକ୍ତି ୫୮ ଲକ୍ଷ ଟଙ୍କାର ବିଲ୍ ପୈଠ ନକରି ଚମ୍ପଟ ମାରିଛନ୍ତି। ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦର ନିକଟସ୍ଥ ଏରୋସିଟିର ହୋଟେଲ ରୋଜେଟ ହାଉସରେ ରହୁଥିବା ବ୍ୟକ୍ତି ଜଣଙ୍କ ଚାଲାଖ କରି ହୋଟେଲରୁ ଫେରାର ହୋଇଯାଇଛନ୍ତି। ହୋଟେଲ ପକ୍ଷରୁ ଏନେଇ ଇନ୍ଦିରା ଗାନ୍ଧି ଅନ୍ତର୍ଜାତୀୟ ବିମାନ ବନ୍ଦର ନିକଟସ୍ଥ ଥାନାରେ ଏକ ମାମଲା ରୁଜୁ କରାଯାଇଛି। ଅଙ୍କୁଶ ଦତ୍ତ ନାମକ ଜଣେ ବ୍ୟକ୍ତି ମୋଟ୍ ୬୦୩ ଦିନ ହୋଟେଲରେ ରହିଛନ୍ତି। କିନ୍ତୁ ସେ ଗୋଟିଏ ଟଙ୍କା ବି ନଦେଇ ଫେରାର ହୋଇଯାଇଛନ୍ତି। ହୋଟେଲର ଜଣେ କର୍ମଚାରୀ ହୋଟେଲ ନିୟମ ଭାଙ୍ଗି ସମ୍ପୃକ୍ତ ବ୍ୟକ୍ତିକୁ ହୋଟେଲରେ ୨ ବର୍ଷ ଧରି ରହିବାର ଅନୁମତି ଦେଇଥିଲେ। ହୋଟେଲର ସିଇଓଙ୍କ ନଜରକୁ ସେ ଏହି କଥା ଆଣିନଥିଲେ। ଏଥିପାଇଁ ତାଙ୍କୁ କିଛି ଆର୍ଥିକ ଫାଇଦା ମିଳିଛି ବୋଲି ସନ୍ଦେହ କରାଯାଉଛି।
Comments are closed.