୨୪ ତାରିଖରେ ଆରମ୍ଭ ହୋଇଛି ବିଗ୍ବସର ନୂତନ ସିଜିନ୍ । ସବୁସିଜିନ୍ ଭଳି ଏହି ସିଜିନ୍କୁ ନେଇ ଖୁବ ଚର୍ଚ୍ଚା ଲାଗି ରହିଛି । ତେବେ ଚଳିତ ଥର ନିଜ ପ୍ରତିଯୋଗୀ ଓ ହୋଷ୍ଟଙ୍କ ସହିତ ବିଗ୍ ବସ୍ ହାଉସ୍ର ଥିମ୍କୁ ନେଇ ବେଶି ଚର୍ଚ୍ଚା ହେଉଛି । ଏଥର ବିଗ୍ ବସ ହାଉସକୁ ଡେମୋକ୍ରାଟିକ ଥିମ୍ରେ ପ୍ରସ୍ତୁତ କରାଯାଇଛି । ଶୋ ଆରମ୍ଭ ହେବା ପୂର୍ବରୁ ଏହାର ଭିଡିଓ ସୋସିଆଲ ମିଡିଆରେ ପୋଷ୍ଟ କରାଯାଇଛି, ଯାହା ଖୁବ ଭାଇରାଲ ହେବାରେ ଲାଗିଛି । ପ୍ରତି ବର୍ଷ ଏହି ଶୋରେ କିଛି ନୂଆ ଦେଖିବାକୁ ମିଳିଥାଏ । ଲୋକତନ୍ତ୍ର ଥିମ୍ରେ ପ୍ରସ୍ତୁତ ହୋଇଥିବା ଏହି ଘରକୁ ଦର୍ଶକ ଖୁବ ଭଲପାଇବା ଦେଉଥିବା ଦେଖିବାକୁ ମିଳୁଛି । ପ୍ରତିଟି ସ୍ଥାନକୁ ଏଥର ଖୁବ ନିଆରା ଓ ସ୍ୱତନ୍ତ୍ରଭାବେ ନିର୍ମାଣ କରାଯାଇଛି, ଯେପରି ଦର୍ଶକଙ୍କୁ ଏହା ଖୁବ ଭଲ ଲାଗିବ । ସେହିଭଳି ଏହି ଶୋରେ ପ୍ରତିସିଜିନ ଠାରୁ କିଛି ଭିନ୍ନ ଦେଖିବାକୁ ମିଳିବ ବୋଲି ମେକର୍ସ ମତ ଦେଇଛନ୍ତି । ଶୋକୁ ନେଇ ଗଣମାଧ୍ୟମ ଠାରୁ ସୋସିଆଲ ମିଡିଆ ପର୍ଯ୍ୟନ୍ତ ସବୁଆଡେ ଚର୍ଚ୍ଚା ଜାରି ରହିଛି ।
