ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ପୁଣି ଥରେ ପ୍ରଶଂସା କରିଛନ୍ତି ବରିଷ୍ଡ କଂଗ୍ରେସ ନେତା ଶଶୀ ଥରୁର। ଏହା ବିଜେପିକୁ ଖୁସି କରିଥିବା ବେଳେ ରାହୁଲ ଗାନ୍ଧୀଙ୍କୁ ବ୍ୟଥିତ କରିଥାଇପାରେ। ବିଜେପି ନେତାମାନେ କହିଛନ୍ତି ଯେ କଂଗ୍ରେସ ନେତାମାନେ ପ୍ରଧାନମନ୍ତ୍ରୀ ମୋଦୀଙ୍କ ବିଶ୍ୱସ୍ତରୀୟ ମାନ୍ୟତାକୁ ସ୍ୱୀକାର କରିବା ଦେଖି ଭଲ ଲାଗୁଛି ଏବଂ କେନ୍ଦ୍ରର ବୈଦେଶିକ ନୀତିକୁ ଖୋଲାଖୋଲି ପ୍ରଶଂସା କରିଥିବାରୁ ଦଳ ଥରୁରଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବ ନାହିଁ ବୋଲି ସେମାନେ ଆଶା ରଖିଛନ୍ତି। ବିଜେପି ନେତା ତଥା ପୂର୍ବତନ କେନ୍ଦ୍ରମନ୍ତ୍ରୀ ରାଜୀବ ଚନ୍ଦ୍ରଶେଖର କଂଗ୍ରେସକୁ ଟାର୍ଗେଟ କରି କହିଛନ୍ତି ଯେ ଭାରତ ଓ ବିଶ୍ୱ ପାଇଁ ପ୍ରଧାନମନ୍ତ୍ରୀ ମୋଦୀଙ୍କ ଦୃଷ୍ଟିକୋଣକୁ ପ୍ରତିଦ୍ୱନ୍ଦ୍ୱୀ ଦଳର ନେତାମାନେ ମଧ୍ୟ ପ୍ରଶଂସା କରୁଛନ୍ତି। ସେ କହିଛନ୍ତି, ରାହୁଲ ଗାନ୍ଧୀ, ଚିଦମ୍ବରମ୍, ରଘୁରାମ ରାଜନଙ୍କ ସମେତ କଂଗ୍ରେସ କର୍ମୀମାନଙ୍କୁ ଅର୍ଥନୀତି, ୟୁପିଆଇ, ଉତ୍ପାଦନ ଓ ଅନ୍ୟାନ୍ୟ ବିଷୟରେ ସେମାନଙ୍କ କଥା ଗିଳିବାକୁ ପଡ଼ୁଛି। ଅର୍ଥାତ୍ ସେମାନେ ପୂର୍ବରୁ ଭୁଲ୍ କହିଥିଲେ ବୋଲି ସ୍ବୀକାର କରୁଛନ୍ତି। ବିଶିଷ୍ଟ ଅର୍ଥନୀତିଜ୍ଞ ରଘୁରାମ ରାଜନ କୌଣସି ରାଜନୈତିକ ଦଳର ସଦସ୍ୟ ନୁହନ୍ତି ଏବଂ ୨୦୧୩ରୁ ୨୦୧୬ ପର୍ଯ୍ୟନ୍ତ ଆର୍ବିଆଇ ଗଭର୍ଣ୍ଣର ଥିଲେ। ଥରୁରଙ୍କ ମନ୍ତବ୍ୟ ପରେ କଂଗ୍ରେସ ଦେହରେ ନିଆଁ ଲାଗିଯିବ ବୋଲି ବିଜେପି ଆଇଟି ସେଲ୍ ମୁଖ୍ୟ ଅମିତ ମାଲବ୍ୟ କହିଛନ୍ତି। ସଂସଦରେ ଥରୁର ଏହି ପ୍ରସଙ୍ଗରେ ଦଳର ନେତୃତ୍ୱ ନେଇଥିଲେ ମଧ୍ୟ ବର୍ତ୍ତମାନ ତାଙ୍କ ମନ୍ତବ୍ୟ ତାଙ୍କ ବ୍ୟକ୍ତିଗତ ମତକୁ ପ୍ରତିଫଳିତ କରୁଛି ବୋଲି କଂଗ୍ରେସ ଗଣମାଧ୍ୟମ ବିଭାଗ ସ୍ପଷ୍ଟ କରିବାକୁ ଚେଷ୍ଟା କରୁଥିବା ବେଳେ ଏହା ରାହୁଲ ଗାନ୍ଧୀଙ୍କୁ ଆଶ୍ଚର୍ଯ୍ୟ କରିବ ବୋଲି ମାଲବ୍ୟ ଟ୍ୱିଟ୍ କରିଛନ୍ତି।
ଉଲ୍ଲେଖଯୋଗ୍ୟ ଯେ ମାସକ ମଧ୍ୟରେ ଦ୍ୱିତୀୟ ଥର ପାଇଁ ମୋଦୀଙ୍କ କୂଟନୈତିକ ରଣନୀତିକୁ ପ୍ରଶଂସା କରି ଥରୁର ରାଇସିନା ଡାଏଲଗରେ ଯୋଗଦେଇ ସ୍ୱୀକାର କରିଛନ୍ତି ଯେ ୟୁକ୍ରେନ ଯୁଦ୍ଧ ଉପରେ ଭାରତର ଆଭିମୁଖ୍ୟକୁ ବିରୋଧ କରି ସେ ଭୁଲ କରିଥିଲେ। ଅତୀତରେ ବୈଦେଶିକ ବ୍ୟାପାର ରାଷ୍ଟ୍ରମନ୍ତ୍ରୀ ଭାବେ ଦାୟିତ୍ୱ ତୁଲାଇଥିବା କେରଳ ସାଂସଦ କହିଛନ୍ତି ଯେ, ଭାରତର ସନ୍ତୁଳିତ ଆଭିମୁଖ୍ୟ ମାଧ୍ୟମରେ ପ୍ରଧାନମନ୍ତ୍ରୀ ମୋଦୀ ଉଭୟ ୟୁକ୍ରେନର ବୋଲଡିମିର ଜେଲେନସ୍କି ଓ ରୁଷିଆର ଭ୍ଲାଦିମିର ପୁଟିନଙ୍କ ସହ ସୌହାର୍ଦ୍ଦ୍ୟପୂର୍ଣ୍ଣ ସମ୍ପର୍କ ବଜାୟ ରଖିଛନ୍ତି। ଥରୁର କହିଥିଲେ, ମୁଁ ଏବେ ବି ମୋ ଭୁଲ୍କୁ ସୁଧାରିବାକୁ ଚେଷ୍ଟା କରୁଛି କାରଣ ମୁଁ ସଂସଦୀୟ ବିତର୍କରେ ଭାରତର ଆଭିମୁଖ୍ୟକୁ ସମାଲୋଚନା କରିଥିଲି। ପ୍ରକୃତରେ ଭାରତର ଜଣେ ପ୍ରଧାନମନ୍ତ୍ରୀ ଅଛନ୍ତି, ଯିଏ ଦୁଇ ସପ୍ତାହ ବ୍ୟବଧାନରେ ୟୁକ୍ରେନର ରାଷ୍ଟ୍ରପତି ଜେଲେନସ୍କି ଓ ରୁଷ୍ର ରାଷ୍ଟ୍ରପତି ପୁଟିନଙ୍କୁ ଆଲିଙ୍ଗନ କରିପାରିବେ ଏବଂ ଉଭୟ ସ୍ଥାନରେ ସେ ଗ୍ରହଣୀୟ ହୋଇପାରିବେ। ପାଶ୍ଚାତ୍ୟ ଓ ୟୁରୋପୀୟ ନେତାଙ୍କ ପରି ପ୍ରଧାନମନ୍ତ୍ରୀ ମୋଦୀ ଯୁଦ୍ଧରେ କୌଣସି ଦେଶର ପକ୍ଷ ନେଇ ନାହାନ୍ତି ଏବଂ ଭାରତ ଶାନ୍ତିର ପକ୍ଷ ନେଉଛି ବୋଲି
Comments are closed.