ଭୂମିକା ଚାଓ୍ୱଲା ନବେ ଦଶକର ଜଣେ ଆଗଧାଡିର ନାୟିକା ତାଲିକାରେ ସାମିଲ ଥିଲେ । ତାଙ୍କ ଫିଲ୍ମ ତେରେ ନାମ ତାଙ୍କୁ ଦେଇଥିଲା ଏକ ସ୍ୱତନ୍ତ୍ର ପରିଚୟ । ରାତାରାତି ତାଙ୍କୁ ଏହି ଫିଲ୍ମରୁ ଏକ ପରିଚୟ ମିଳିଥିଲା ଯାହା ଆଜି ବି ସମସ୍ତଙ୍କ ହୃଦୟରେ ଜୀବନ୍ତ ହୋଇ ରହିଛି । ଏଥିରେ ତାଙ୍କର ଚରିତ୍ର ନିର୍ଜରା ସମସ୍ତଙ୍କୁ ବେଶ ଭଲ ଲାଗିଥିଲା, ଏଥିରେ ତାଙ୍କର ନିଖୁଣ ଅଭିନୟ ତାଙ୍କୁ ବଲିଉଡରେ ଏକ ସ୍ୱତନ୍ତ୍ର ପରିଚୟ ଦେଇଥିଲା । ତାଙ୍କୁ ଅନେକ ଫିଲ୍ମ ଯେପରି ଖୁସି, ସିମାଦ୍ରୀ, ଜୟ ଚିରଞ୍ଜିଭା ଆଦିରେ ଦେଖିବାକୁ ମିଳିଥିଲା । ତାଙ୍କର କ୍ରେଜ ବିଶେଷଭାବେ ସାଉଥ୍ ଫିଲ୍ମ ଇଣ୍ଡଷ୍ଟ୍ରୀରେ ବେଶି ରହିଥିଲା । ଭୂମିକା ନିଜର କ୍ୟାରିୟରର ଆରମ୍ଭ ଏକ ଆଡ ଫିଲ୍ମ ଓ ମ୍ୟୁଜିକ୍ ଭିଡିଓରୁ କରିଥିଲା । ଏହାପରେ ସେ ଟିଭି ଶୋ ହିପ୍ ହିପ୍ ହୁର୍ରେ ଓ ଷ୍ଟାର ଓ୍ୱଷ୍ଟ ସେଲର୍ସ ଫୁର୍ସତରେ ବି କାମ କରିଥିଲେ । ପରେ ସାଉଥ ଇଣ୍ଡଷ୍ଟ୍ରୀରେ କାର୍ଯ୍ୟ ଆରମ୍ଭ କରିଥିଲେ, ଏହି ଇଣ୍ଡଷ୍ଟ୍ରୀରେ ହିଁ ସେ ବଡ ପରଦାରେ ଡେବ୍ୟୁ କରିଥିଲେ । ଏହାପରେ ୨୦୦୩ରେ ତେରେ ନାମ ଜରିଆରେ ବି ଟାଉନରେ ଏଣ୍ଟ୍ରି କରିଥିଲେ । ତେବେ ବଲିଉଡରେ କିଛି ଭଲ ପ୍ରୋଜେକଫରୁ ତାଙ୍କୁ ରିପ୍ଲେସ କରାଯାଇଥିବା ମଧ୍ୟ ଜଣା ପଡିଥିଲା ।
