ଦିଶା ସବୁବେଳେ ନିଜର ବୋଲ୍ଡନେସ ପାଇଁ ଚର୍ଚ୍ଚାରେ ରହିଥାଆନ୍ତି । ତାଙ୍କର ଡ୍ୟାନ୍ସ ଭିଡିଓ ସବୁବେଳେ ଖୁବ ଭାଇରାଲ ହୋଇଥାଏ । ନିଜ ଡ୍ୟାନ୍ସ ମୁଭରେ ସେ ଦର୍ଶକଙ୍କ ମନକୁ ସବୁବେଳେ ଜିତିଥାଆନ୍ତି । ସେହିଭଳି ଏକ ଭିଡିଓକୁ ନେଇ ଦର୍ଶକ ତାଙ୍କୁ ଡ୍ୟାନ୍ସ କୁଇନର ଆଖ୍ୟା ଦେଇଛନ୍ତି ।
ନିକଟରେ ଦିଶା ନିଜର ଡ୍ୟାନ୍ସ ଟିଚରଙ୍କ ସହିତ ଏକ ଭିଡିଓ ସୋସିଆଲ ମିଡିଆରେ ଅପଲୋଡ କରିଛନ୍ତି । ଯେଉଁଥିରେ ସେ ଖୁବ ଭଲଭଲ ଡ୍ୟାନ୍ସ ଷ୍ଟେପ କରୁଥିବାର ଦେଖିବାକୁ ମିଳୁଛି, ଦର୍ଶକ ଭିଡିଓକୁ ଖୁବ ପସନ୍ଦ କରୁଥିବା ମଧ୍ୟ ଦେଖିବାକୁ ମିଳୁଛି । ୨୦୧୫ରେ ଦିଶା ଏକ ତେଲୁଗୁ ଫିଲ୍ମ ଜରିଆରେ ଅଭିନୟ ଜଗତରେ ପ୍ରବେଶ କରିଥିଲେ । ଏହାପରେ ସେ ଏକ ହିନ୍ଦୀ ଗୀତରେ ଅଭିନେତା ଟାଇଗର ଶ୍ରଫ୍ଙ୍କ ସହ ଅଭିନୟ କରିଥିଲେ ଏବଂ ସେହିବର୍ଷ ଏମ୍. ଏସ୍. ଧୋନି- ଦ ଅନଟୋଲ୍ଡ ଷ୍ଟୋରୀ ଜରିଆରେ ହିନ୍ଦୀ କଥାଚିତ୍ର ଜଗତରେ ପ୍ରବେଶ କରିଥିଲେ । ୨୦୧୭ରେ ଦିଶା ଆଭିନେତା ସୋନୁ ସୁଦ ଏବଂ ଜ୍ୟାକି ଚାନ୍ଙ୍କ ସହ ଏକ ଇଂରାଜୀ, ଚାଇନିଜ୍ ଏବଂ ତେଲୁଗୁ ଭାଷାରେ ମୁକ୍ତିଲାଭ କରିଥିବା କୁଙ୍ଗ୍ ଫୁ ଯୋଗରେ ଅଭିନୟ କରିଥିଲେ । କ୍ୟାରିୟର ଆରମ୍ଭରୁ ୨୦୧୫ରେ ଦିଶା କ୍ୟାଡୋବରି ଡେରୀ ମିଲ୍କ ଚକୋଲେଟର ଏକ ବିଜ୍ଞାପନରେ ଅଭିନୟ କରିଥିଲେ, ଯେଉଁଥିପାଇଁ ସେ ଅଧିକ ଲୋକପ୍ରିୟ ହୋଇଥିଲେ । ୨୦୧୫ରେ ଦିଶାଙ୍କୁ ତେଲୁଗୁ ଫିଲ୍ମ ନିର୍ଦ୍ଦେଶକ ଲୋଫର୍ ଚଳଚ୍ଚିତ୍ରରେ ନାୟିକା ଭାବରେ ପ୍ରଥମ ସୁଯୋଗ ଦେଇଥିଲେ । ଏହାପରେ ୨୦୧୬ରେ ଦିଶା ଅଭିନେତା ଟାଇଗର ଶ୍ରଫ୍ଙ୍କ ସହ ହିନ୍ଦୀ ଆଲବମ୍ ଗୀତ ବେଫିକରରେ ଅଭିନୟ କରିଥିଲେ । ୨୦୧୬ରେ ଦିଶାଙ୍କୁ ଭାରତୀୟ କ୍ରିକେଟ ଅଧିନାୟକ ମହେନ୍ଦ୍ର ସିଂହ ଧୋନିଙ୍କ ଜିବନୀ ଉପରେ ଆଧାରିତ ଫିଲ୍ମ ଏମ୍. ଏସ୍. ଧୋନି- ଦ ଅନଟୋଲ୍ଡ ଷ୍ଟୋରୀରେ ନାୟିକା ଭାବରେ ଦେଖିବାକୁ ମିଳିଥିଲା । ଏହାପରେ ସେ ଓସ୍କାର ବିଜେତା ଅଭିନେତା ଜ୍ୟାକି ଚାନ୍ଙ୍କ ହଲିଉଡ୍ ଚଳଚ୍ଚିତ୍ର କୁଙ୍ଗ୍ ଫୁରେ ଅଭିନୟ କରିବାର ସୁଯୋଗ ପାଇଥିଲେ । ଫେବୃଆରୀ ୨୦୧୭ରେ ଏହି ଚଳଚ୍ଚିତ୍ରଟି ମୁକ୍ତିଲାଭ କରିଥିଲା । ଏହି ଚଳଚ୍ଚିତ୍ରରେ ଭାରତୀୟ ଅଭିନେତା ସୋନୁ ସୁଦ୍ ମଧ୍ୟ ଅଭିନୟ କରିଥିଲେ । ଭାରତର ଯୋଗ ଏବଂ ଚାଇନାର କୁଙ୍ଗ୍ ଫୁକୁ ନେଇ ନିର୍ମାଣ ହୋଇଥିବା ଏହି ଚଳଚ୍ଚିତ୍ରଟି ଇଂରାଜୀ ଭାଷା ସମେତ ହିନ୍ଦୀ ଏବଂ ଚାଇନିଜ୍ ରେ ମଧ୍ୟ ମୁକ୍ତିଲାଭ କରିଥିଲା । ଏହାପରେ ତାଙ୍କୁ ବାଗି ର ସିରିଜ, ଭାରତ, ମଲଙ୍ଗ, ରାଧେ, ଏକଭିଲେନ୍ ରିଟର୍ଣ୍ଣ, ଯୋଦ୍ଧା, କଲକି ଭଳି ସୁପରହିଟ୍ ଫିଲ୍ମରେ ଦେଖିବାକୁ ମିଳିଥିଲା । ଏହି ସମସ୍ତ ଅଭିନୟରେ ସେ ଦର୍ଶକଙ୍କ ବେଶ ମନୋରଞ୍ଜନ କରିଥିଲେ । ତାଙ୍କୁ ବଡପରଦାରେ ଦେଖିବାକୁ ଆଜି ବି ଦର୍ଶକ ଅପେକ୍ଷା କରି ରହିଥାଆନ୍ତି । ତାଙ୍କ ନିଖୁଣ ଅଭିନୟ ଓ ଡ୍ୟାନ୍ସର ସମସ୍ତେ ଦିବାନା । ସମସ୍ତେ ତାଙ୍କ ନୃତ୍ୟକୁ ଖୁବ ଭଲପାଇବା ଦେଇଥାଆନ୍ତି । ଡ୍ୟାନ୍ସରେ ଯୁବପିଢିଙ୍କର ସେ ହେଉଛନ୍ତି ରୋଲମଡେଲ । ସେହିଭଳି ନିଜର ସମସ୍ତ ଚରିତ୍ରକୁ ଖୁବ ଭଲ ପାଇଥାଆନ୍ତି ଦିଶା । ଛୋଟ ହେଉ କି ବଡ ସମସ୍ତ ଚରିତ୍ରରେ ସେ ଖୁବ ଉତ୍ସାହର ସହିତ ଅଭିନୟ କରିବା ସହିତ ଦର୍ଶକଙ୍କ ମନୋରଞ୍ଜନ ଉପରେ ଧ୍ୟାନ ଦେଇଥାଆନ୍ତି ।
